Jan Hendrik van der Westhuizen
Jan Hendrik van der Westhuizen | |
|---|---|
 | |
| Gebore | 1982 |
| Nasionaliteit | Suid-Afrika |
| Beroep | Ontwerper, fotograaf, meestersjef |
| Bekend vir | Eerste Suid-Afrikaner met Michelin-ster |
Jan Hendrik van der Westhuizen (1982-) is 'n Suid-Afrikaanse ontwerper, fotograaf, meestersjef en eienaar van 'n fynproewersrestaurant. Van der Westhuizen het grootgeword op die plaas van sy ouers by Middelburg, Mpumalanga en het ná sy matriek 'n opleiding in kookkuns in Stellenbosch ontvang waar hy die gevorderde diploma in kulinêre kookkuns voltooi het.[1] Daarna het hy 'n Baccalaureusgraad in toegepaste ontwerp en fotografie verwerf.
Van der Westhuizen het sy kulinêre loopbaan as bydraende kosredakteur en fotograaf vir die leefstyltydskrif Elle in Suid-Afrika begin en was later, vanaf 2006, in Parys, Frankryk, werksaam. Vervolgens is hy as sjef op 'n privaat jag in Monaco aangestel. Sy restaurant, Jan in Nice, Frankryk, het sy deure in 2013 geopen en is op 2 Februarie 2016 met 'n Michelin-ster bekroon.[2] Dit is daarnaas in 2015 deur Condé Nast Traveller ook as een van die beste restaurante ter wêreld aangewys.[3] In dié klein eetplek naby die seehawe spits Van der Westhuizen hom op 'n moderne en kreatiewe styl van kook toe.[4]
Twee kookboeke het reeds uit Van der Westhuizen se pen verskyn. Sy tweede publikasie is in Maart 2016 deur Struik Leefstyl in Afrikaans (JAN – My Franse Kosverhaal) en Engels (JAN – A Breath of French Air) uitgegee.[5]
Sien ook
[wysig | wysig bron]Verwysings
[wysig | wysig bron]- ↑ www.randomstruik.co.za: Meer oor Jan Hendrik van der Westhuizen. Besoek op 5 April 2016[dooie skakel]
- ↑ Institut Français – Afrique du Sud: SA Chef Jan Hendrik Awarded a Michelin Star. Besoek op 5 April 2016
- ↑ www.randomreads.co.za: Jan Hendrik van der Westhuizen becomes the first South African to be awarded a Michelin Star. Besoek op 5 April 2016
- ↑ "Michelin Guide 2016: Jan. Besoek op 5 April 2016". Geargiveer vanaf die oorspronklike op 12 Julie 2016. Besoek op 5 April 2016.
- ↑ "www.9lives.co.za: The first South African has been awarded a Michelin star. Besoek op 5 April 2016". Geargiveer vanaf die oorspronklike op 30 April 2016. Besoek op 5 April 2016.