Klein Karoo Nasionale Kunstefees

in Wikipedia, die vrye ensiklopedie
(Aangestuur vanaf KKNK)
Jump to navigation Jump to search

Die Klein Karoo Nasionale Kunstefees (KKNK) is 'n Afrikaanse kunstefees wat jaarliks op Oudtshoorn in die Wes-Kaap aangebied word. Die fees sluit beide beeldende en uitvoerende kunste in en word amptelik deur die Suid-Afrikaanse regering as 'n nasionale kunstefees erken. Dit is 'n projek wat deur Kunste Onbeperk gedryf word.[1] Volgens die aantal besoekers is dit die grootste kunstefees in Suid-Afrika.

Die eerste fees het in 1995 plaasgevind en was die idee van Nic Barrow, 'n sakeman van Oudtshoorn, en Andrew Marais, 'n vorige openbare verhoudingsbestuurder van Naspers.[2]

Die KKNK trek jaarliks meer as 1 000 kunstenaars wat optree of uitstal in meer as 200 produksies en uitstallings oor agt dae; die 25ste KKNK het van 21 tot 27 Maart 2019 plaasgevind. Die fees het 'n sentrale rol in Afrikaanse verhoogproduksies begin speel – nuwe produksies word gewoonlik eers by die KKNK opgevoer voordat dit vir die res van die jaar deur Suid-Afrika geneem word.

Ekonomies is die KKNK 'n bron van inkomste vir Oudtshoorn en die omliggende gebiede, met baie privaat individue en instansies wat gedurende die fees baat vind by die verhuur van verblyf, sale en grond.

Verwysings[wysig | wysig bron]

  1. http://kunste.org.za/
  2. "GESKIEDENIS VAN DIE ABSA KKNK". Oudtshoorn Info. Geargiveer vanaf die oorspronklike op 8 Mei 2013. Besoek op 23 November 2014. 

Eksterne skakels[wysig | wysig bron]