Wys bron van Nanna

{{Inligtingskas godheid
|breedte = 260
|naam = Nanna/Sin
|beeld = Khashkhamer seal moon worship.jpg
|onderskrif = ’n Afdruk van die silinderseel van Ḫašḫamer, die goewerneur van Iškun-Sin, c. 2100&nbsp;v.C. Die sittende figuur is waarskynlik koning [[Ur-Nammu]]. Sin/Nanna kom voor in die vorm van die sekelmaan.
|breed = [[Wigskrif]]: {{wigskrif|𒀭𒋀𒆠}} of {{wigskrif|𒂗𒍪}}
|soort = [[Mesopotamië|Mesopotamies]]
|god_van = die Maan
|tuiste = 
|kultus = Ur, Harran
|simbool = Bul, sekelmaan, driepoot
|ouers = [[Enlil]] en [[Ninlil]]
|sibbes = 
|metgesel = [[Ningal]]
|kinders = [[Utu]]/[[Sjamasj]] en [[Inanna]]/[[Isjtar]]
}}

'''Nanna''' in [[Sumeries]] ([[wigskrif]]: {{wigskrif|𒀭𒋀𒆠}}) en '''Sin''' in [[Akkadies]] ({{wigskrif|𒂗𒍪}}) is die maangod in die [[Mesopotamiese mitologie]] van [[Akkadië]], [[Assirië]] en [[Babilonië]]. Hy is die seun van [[Enlil]] en [[Ninlil]]. Die twee hoofsetels van sy kultus is [[Ur]] in die suide van [[Mesopotamië]] en [[Harran]] in die noorde.

== Naam ==
Die oorspronklike betekenis van die naam Nanna is onbekend. Die vroegste spelling wat in Ur en [[Uruk]] aangetref is, is <sup>[[Dingir|D]]</sup>LAK-32.NA (waar "NA" vermoedelik ’n fonetiese aanvulling is). Die naam Ur, gespel LAK-32.UNUG<sup>KI</sup>=URIM<sub>2</sub><sup>KI</sup>, is self hiervan afgelei en beteken "die tuiste (UNUG) van Nanna (LAK-32)".

Die voorklassieke teken LAK-32 versmelt later met ŠEŠ (die [[ideogram]] vir "broer"), en die klassieke Sumeriese spelling is <sup>D</sup>ŠEŠ.KI, met die fonetiese uitspraak ''na-an-na''. Die tegniese term vir die sekelmaan, <sup>D</sup>U<sub>4</sub>.SAKAR, kan ook na dié god verwys. Later word die naam <sup>D</sup>NANNA gespel.

Die Semitiese maangod, Su'en/Sin, was oorspronklik ’n aparte god, maar van die [[Akkadiese Ryk|Akkadiese tydperk]] af is hy en Nanna met mekaar verbind en het hulle een god geword.

== Agtergrond ==
[[Beeld:Ziggurat of ur.jpg|duimnael|links|260px|’n Voorstelling van die Ziggurat van Ur, Nanna se hooftempel, gebaseer op die rekonstruksie in 1939 deur Leonard Woolley (''Ur Excavations'' vol. V, fig. 1.4)]]
Nanna/Sin word gewoonlik "heer van [[wysheid]]" genoem. In die tyd toe Ur ’n belangrike stad in die [[Eufraat]]vallei was (c. [[2600 v.C.|2600]]-[[2400 v.C.]]), is Sin algemeen beskou as die hoof van die goderyk. In dié tyd is hy name genoem soos "vader van die gode", "hoof van die gode", "skepper van alle dinge", ensovoorts. Die "wysheid" verwys waarskynlik na die wetenskap van die [[sterrekunde]] of die praktyk van [[astrologie]] waarin die fases van die [[maan]] belangrik is.

Sy vrou was [[Ningal]] ("Groot Dame") en hul kinders was [[Utu]]/[[Sjamasj]] ("Son") en [[Inanna]]/[[Isjtar]] (die godin van die [[planeet]] [[Venus (planeet)|Venus]]). Die neiging om die magte van die heelal te sentraliseer het gelei tot die skepping van [[triade]]s (groepe van drie gode) wat in dié geval bestaan het uit Nanna/Sin en sy kinders.

Sin het op ’n gevleuelde bul gery. Dit was een van sy simbole, saam met die sekelmaan en driepoot (wat dalk ’n lampstaander was). Hy word uitgebeeld as ’n man met ’n [[baard]] en die sekelmaansimbool. 

’n Belangrike Sumeriese teks, ''Enlil en Ninlil'',<ref>{{cite web |url=http://etcsl.orinst.ox.ac.uk/section1/tr121.htm |title=Enlil and Ninlil: translation |language=en |archive-url=https://web.archive.org/web/20190715211001/http://etcsl.orinst.ox.ac.uk/section1/tr121.htm |archive-date=15 Julie 2019 |url-status=live |df=dmy-all |access-date= 2 Augustus 2015 }}</ref> vertel hoe Enlil en Ninlil, swanger met Nanna/Sin, afdaal na die onderwêreld. Van daar af het Nanna/Sin weer na die wêreld opgestyg. 

Nanna se hooftempel by Ur was ''E-gish-shir-gal'' ("Huis van die groot lig"). Hier het die rol van die En-priesteres ontstaan. Dit was ’n magtige posisie wat waarskynlik deur ’n prinses soos Enheduanna, dogter van koning [[Sargon van Akkad]], beklee is en was die belangrikste kultusrol wat met Nanna/Sin verbind word.<ref>Hall, M. D. '[http://repository.upenn.edu/dissertations/AAI8603645/ 'A Study of Sumerian Moon God Nanna/Suen]''. Phd-tesis, Universiteit van Pennsilvanië, 1985, p. 227</ref>

Sin het ook ’n tempel in die stad [[Harran]] gehad met die naam ''E-khul-khul'' ("huis van vreugdes"). Die kultus het later na ander groot stede van Babilonië en Assirië versprei en tempels is ook daar vir hom gebou.

== Verwysings ==
{{Verwysings}}

== Eksterne skakels ==
*[http://oracc.museum.upenn.edu/amgg/listofdeities/nannasuen/ Antieke Mesopotamiese gode en godinne: Nanna/Suen/Sin]
*Tamara M. Green, ''The City of the Moon God: Religious Traditions of Harran''. E.J. Brill, Leiden, 1992, 232 pages. ISBN 90-04-09513-6
{{Commons-kategorie inlyn|Nanna (god)}}
*[[Lêer:Crystal txt.png|15px]] Hierdie artikel is vertaal uit die [[:en:Sin (mythology)|Engelse Wikipedia]]

{{Mesopotamiese mitologie}}

[[Kategorie:Mesopotamiese gode]]