Bhoetanese ngultrum

in Wikipedia, die vrye ensiklopedie
(Aangestuur vanaf Ngultrum)
Jump to navigation Jump to search
Die twee kante van ’n 1-ngultrum-munstuk.

Die ngultrum (Dzongkha: དངུལ་ཀྲམ, IFA: ŋýˈʈúm, simbool: Nu., kode: BTN) is die geldeenheid van Bhoetan. Dit word verdeel in 100 chhertum (Dzongkha: ཕྱེད་ཏམ, IFA: pt͡ɕʰɛ́ˈtám, tot in 1979 op munte gespel "chetrum"). Die ngultrum is tans teen pariteit aan die Indiese roepee vasgepen.

Geskiedenis[wysig | wysig bron]

Terwyl Bhoetan se ekonomie in die 1960's ontwikkel het, is die Bank van Bhoetan in 1968 gestig. Tydens geldhervormings in 1974 het die ngultrum amptelik die geldeenheid geword, verdeel in 100 chhetrum.

Die term "ngultrum" kom van die Dzongkha woord ngul, "silwer", en die Hindi-leenwoord trum, "geld".[1]

Die Bhoetanese departement van finansies het die eerste nuwe banknote in 1974 uitgegee met die waardes Nu.1, Nu.5, Nu,10 en Nu.100. Nadat die Koninklike Monetêre Owerheid van Bhoetan in 1982 gevestig is as die land se sentrale bank, het dit die uitreiking van banknote by die regering oorgeneem.[2]

Huidige munte het waardes van Ch.20, Ch.25, Ch.50 en Nu.1. In 2006 is die jongste reeks note uitgereik, met waardes van Nu.1, Nu.5, Nu.10, Nu.20, Nu.50, Nu.100, Nu.500 en Nu.1000.

Verwysings[wysig | wysig bron]

  1. Berlin, Howard M. (24 Oktober 2008). "World Monetary Units: An Historical Dictionary, Country by Country". McFarland – via Google Books. 
  2. "Royal Monetary Authority Act of Bhutan 1982" (PDF). Government of Bhutan. 1982. Besoek op 2010-10-08. 

Eksterne skakels[wysig | wysig bron]