Wys bron van Slag van Bakenlaagte

{{Infoboks Militêre Konflik-en
|conflict=Slag van Bakenlaagte
|partof=[[Tweede Vryheidsoorlog]]
|image=[[Lêer:Bakenlaagte boer charge.jpg|280px]]
|caption=Boere se aanval by Bakenlaagte
|date=[[30 Oktober]] [[1901]]
|place=Bakenlaagte
|casus=
|territory=
|result=Boere-oorwinning
|combatant1={{vlagland|Verenigde Koninkryk}}
|combatant2={{vlagland|Zuid-Afrikaansche Republiek}} ([[Transvaal]])<br />{{vlagland|Oranje-Vrystaat}}
|commander1={{vlagikoon|Verenigde Koninkryk}} Colonel GE Benson
|commander2={{vlagikoon|Zuid-Afrikaansche Republiek}} [[Louis Botha]]
|strength1=210
|strength2=900
|casualties1=73 dood, 134 gewond
|casualties2=omstreeks 14 dood, 48 gewond
}}

Die '''Slag van Bakenlaagte''' het op [[30 Oktober]] [[1901]] plaasgevind by Bakenlaagte in die Oos-Transvaal tydens die [[Tweede Vryheidsoorlog]]. 'n Boeremag bestaande uit ses kommando's onder bevel van genl. [[Louis Botha]] het met 'n Britse mag van 200 man onder bevel van kolonel Benson slaags geraak.

== Agtergrond ==
Na sy tog deur [[KwaZulu-Natal]] en die gepaardgaande [[Slag van Bloedrivierpoort]] het Botha teruggekeer na die Oos-Transvaal. Hy het 'n noue ontkoming gehad met 'n Britse mag op die plaas Schimmelhoek, oos van [[Ermelo]] maar slaag tog daarin om te ontsnap. Op 29 Oktober deel kommandant H.S. Grobler hom mee dat 'n Britse mag by Swakfontein, sowat 20&nbsp;km wes van [[Bethal]], kamp opgeslaan het. Dié mag bestaan uit 2000 soldate, met veldkanonne en waens. Grobler het die Britse mag al vir 'n geruime tyd gepla. Die Britse mag onder bevel van kolonel Benson was berug daarvoor dat hulle op groot skaal die Boere se plase geplunder en die vroue en kinders weggevoer het na die [[konsentrasiekamp]]e.

== Die slag ==
Benson se troepe was oor 'n wye gebied versprei op die oggend van 30 Oktober toe Grobler hulle aanval. Benson onderskat die Boeremag se getalle aanvanklik en doen geen teen-aanvalle nie. Dit het ook begin reën en 'n sterk wind het begin waai wat die sigbaarheid belemmer het. Die agterhoede van Benson se troepe word gou oorrompel. Teen 12-uur het Botha die slagveld bereik met sy 400 burgers. Die Boeremagte herorganiseer hulle self; twee groepe val Benson se flanke aan en Botha val die middel aan met 800 burgers. Die Britte val terug na 'n lae heuwel waar hulle kanonne was. Aanvanklik bied hulle weerstand maar word gou oorwin en hulle lei swaar ongevalle. Benson word self twee keer gewond en die Boere verower die heuwel en neem die kanonne oor. Die Boere swaai die kanonne om en skiet nou op die Britse kamp. Botha beveel later die Boere om hulle vuur te staak aangesien hy bewus was dat daar vroue en kinders in die kamp was. Sodoende is 'n gulde geleentheid verspil om 'n groot oorwinning te behaal.

Verliese aan die Britse kant: 66 gesneuweldes, 165 gewondes en 120 word krygsgevangene. Benson het later beswyk aan sy wonde. Ongevalle vir die Boere was minder as 'n 100.

== Sien ook ==
* [[Skermutselinge van die Tweede Vryheidsoorlog]]

== Bron ==
* ''The War Reporter''. [[J.E.H. Grobler]]. Jonathan Ball Publishers. 2004. ISBN 978-1-86842-186-2

[[Kategorie:Veldslae tydens die Tweede Vryheidsoorlog|Bakenlaagte]]