Georg Friedrich Händel

miniatuur

Georg Friedrich Händel (Engels:George Frideric Handel) (Halle an der Saale, 23 Februarie 1685 – Londen, 14 April 1759) was 'n Engelse barokkomponis van Duitse afkoms. Händel het veel musiek/dramatiese werk geskryf: 42 operas, 29 oratoria, meer as 120 cantatas, trios en duette. Onder sy instrumentale werke val die orrelkonserte, concerti grossi, ouvertures en kamermusiek soos hobo-en viool sonatas en werk vir klavesimbel en orrel.

Saam met Johann Sebastian Bach, wat in dieselfde jaar (1685) gebore is, word Händel as een van die grootste komponiste van sy tyd gesien. Händel het in totaal meer as 610 werke gekomponeer waarvan baie nog steeds uitgevoer word.