Masjiengeweer

'n Illustrasie van 'n 19de eeuse Gatling-geweer. Dié vroeë masjiengeweer het 'n aantal lope gehad en was handaangedrewe.

'n Swaar militêre Browning M2-masjiengeweer.

'n Masjiengeweer is 'n outomatiese gemonteerde of draagbare vuurwapen, wat ontwerp is om patrone vinning agtereenvolgend te vuur vanuit 'n ammunisiegordel of 'n groot-kapasiteit magasyn. Die spoed waarteen 'n masjiengeweer vuur is oor die algemeen honderde koeëls per minuut. Vroeë masjiengewere was nie outomaties nie, maar handaangedrewe, deur byvoorbeeld 'n handvatsel te draai wat 'n trommel help roteer het.