Karl Jatho

Karl Jatho was 'n Duitse pionier, uitvinder, vermaaklikheidster en siviele werker. Hy is gebore op 3 Februarie 1873 en is oorlede op 8 Desember 1933.

Hy het in Hanover, Duitsland gebly toe hy begin belangstel in die lugvaart. Hy het begin om 'n kragaangedrewe vliegtuig in die vroeë 1900's te ontwerp. Hy het die Zanonia saad gebruik as patroon vir sy ongewone vlerk-ontwerp omdat dit lank en stabiel kan sweef. Die ontwerp het eers drie lae gehad maar het gou verander na twee lae toe hy begin toetse uitvoer het. Krag is deur 'n 10 perdekrag-enjin wat 'n tweelemvliegskroef aangedryf het, voorsien.

Dit word beweer dat die eerste vlug van Jatho se vliegtuig op 18 Augustus 1903 plaasgevind het en deur 4 getuies gesien is - 4 maande voor die Wright-broers hul eerste vlug gehad het! Hy het net 'n vinnige hop gemaak van 61m lank en 3m hoog in teenstelling met Orville Wright se 36m in 12 sekondes. Karl was nie baie gelukkig met sy vliegtuig nie, dit het nie genoeg krag gehad nie en die plat vlerke was nie so goed soos die Wright-broers se geboë vlerk nie.

Hy het op die ou einde opgegee met die volgende rede wat hy aangeteken het:

"in spite of many efforts, cannot make longer or higher flights. Motor weak"

Meeste historici erken dat Jatho 'n kragaangedrewe vlug gehad het- maar sy vliegtuig se kontrolesisteem was nie goed genoeg nie, en sy vlug nie lank genoeg nie.

Hy het later in 1909 'n suksesvolle vliegtuig gebou en gevlieg. Karl Jatho het ook 'n vliegskool en vliegtuigfabriek oopgemaak, maar nie een van die twee het profyt getoon nie.

Bronne

• Die Engelse Wikipedia
• http://www.aerospaceweb.org/question/history/q0159.shtml

Eksterne skakels

• http://www.flyingmachines.org/jatho.html Webwerf wat foto's van sy vliegtuig wys
• http://www.ctie.monash.edu.au/hargrave/jatho.html