Speelkaart

'n Stel van 52 speelkaarte

Speelkaarte is tipies handgrootte stukke papier wat met dun plastiek oorgetrek is. 'n Pak kaarte bestaan uit 52 unieke kaarte. Een of meer pakke kaarte word gebruik in 'n verskeidenheid van kaartspeletjies, sommige wat dobbelary insluit.

Die gesig van elke kaart is uniek en bepaal watter kaart dit is. Die ommesy van elke kaart is identies en word gewoonlik gebruik vir bemarking van die vervaardiger van die pak speelkaarte.

In die meeste kaartspeletjies word die kaarte deurmekaar gemaak deur 'n proses wat skommel genoem word. 'n Aantal kaarte word dan aan elke speler gedeel waarna elke speler na die gesig van sy kaarte sal kyk en die ander spelers slegs die ommesy van die ander spelers se kaarte kan sien.

Die wyse hoe die kaarte in elke kaartspeletjie gebruik word, word bepaal deur die reëls van elke kaartspeletjie.