Totale bekende gewig
Totale bekende gewig (TBG), ook genoem totale bekende massa,[1][2] is 'n term wat hoofsaaklik deur handelaars in meteoriete en versamelaars daarvan gebruik word om die gekombineerde gewig van al die fragmente van 'n enkele meteoriet aan te dui. Die totale bekende massa van 'n meteoriet is 'n klein deel van die massa van die oorspronklike meteoroïde wat die aardatmosfeer binnegekom het om die meteoriet te vorm.
Massa en TBG
[wysig | wysig bron]Meteoroïdes wat meteoriete vorm, brand terwyl hulle deur die atmosfeer trek en verloor gevolglik massa. Die totale massa van 'n meteorietval sal dus altyd minder wees as dié van die oorspronklike meteoroïde. Die boonste perk van die "totale bekende massa" van 'n meteoriet is dus die massa van die meteorietval.
Verskeie faktore kan meebring dat die "totale bekende massa" van 'n meteoriet minder is as die massa van die val. Meteorietvalle kom dikwels voor as meteorietreëns wanneer die meteoriet opbreek. Net in gevalle waar 100% van die fragmente herwin is, kan die "totale bekende massa" dieselfde wees as die massa van die val. As nuwe fragmente ontdek word, behoort die TBG dus eintlik te styg. Weens die moderne manier waarvolgens fragmente individueel genommer word, al is dit taamlik seker dat dit van 'n sekere meteoriet af kom, word die TBG egter met die val vasgestel en kan dit nie styg nie.
Gebruik
[wysig | wysig bron]'n Lae TBG beteken minder materiaal vir wetenskaplikes en navorsers. Dit is 'n faktor in die bepaling van die prys, veral as die meteoriettipe skaars is.[3]
Verwysings
[wysig | wysig bron]- ↑ The British and Irish Meteorite Society, Glossary
- ↑ Guidelines for meteorite nomenclature Geargiveer 17 April 2010 op Wayback Machine - Meteoritical Society - Committee on meteorite nomenclature.
- ↑ Kevin Kichinka. The art of collecting meteorites. Pennsylvania State University, Bookmasters, 2005.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
