32-Bataljon

in Wikipedia, die vrye ensiklopedie
Spring na: navigasie, soek

32-Bataljon (wat ook bekend gestaan het onder die byname die Buffalo Battalion en Os Terriveis, Portugees vir Die Skrikwekkendes) was 'n infanterie-bataljon van die Suid-Afrikaanse Weermag. Die eenheid het uit swart soldate en blanke leiergroepe bestaan. Die eenheid is in 1993 kort voor die verkiesing van 1994 ontbind op versoek van die ANC.

Die eenheid is deur Luitenant-Kolonel Jan Breytenbach gestig en daarna tot 'n gedugte gevegsmag gesmee deur Kolonel Eddie Viljoen en daarna deur Kolonel Deon Ferreira. Eddie Viljoen het as Big Daddy by sy troepe bekend gestaan. Die eenheid is as een van die elite eenhede van die toenmalige Suid-Afrikaanse Weermag beskou. Die eenheid is ook een van die eenhede wat die meeste vereer is tydens die Angolese Grensoorlog, met 'n totaal van 14 Honoris Crux medaljes wat aan sy lede toegeken is. Die enigste eenheid wat meer medaljes verwerf het was die Suid-Afrikaanse Spesiale Magte wié se lede 'n totaal van 46 medaljes tydens die Angolese Grensoorlog verwerf het.

Geskiedenis[wysig]

Na die MPLA se oorwinning in die Angolese Burgeroorlog in 1975 het baie van hul FNLA-teenstanders na die destydse Suid-Afrikaans beheerde Suidwes-Afrika gevlug. Uit hierdie groep vlugtelingsoldate en lede van Kolonel Sybie van der Spuy se 2 Verkennigsregiment tesame met Luitenant-Kolonel Jan Breytenbach as die bevelvoerder is die Bravo groep gestig wat later herdoop is tot 32-Bataljon. Bravo-groep het aanvanklik bestaan uit twee infanterievendels, 'n mortierpeleton, 'n tenkafweergroep asook 'n masjiengeweerpeleton. 32 Bataljon is egter later uitgebrei om ses infanterievendels, 'n verkenningsvleuel en 'n ondersteuningsgroep in te sluit. Die ondersteuningsgroep het bestaan uit 81mm mortier-, tenkafweer- en masjiengeweerafdelings.

Eksterne skakels[wysig]