Afrikaner Broederbond

in Wikipedia, die vrye ensiklopedie
Spring na: navigasie, soek
Hierdie artikel handel oor die Afrikaner Broederbond. Vir sy latere inkarnasie, sien Afrikanerbond (vereniging). Vir die politieke party wat in 1881 deur S.J. du Toit gestig is, see Afrikanerbond (party).
Die leiers van die Afrikaner Broederbond in 1918: Agter (vanaf links tot regs): Daniel H. C. du Plessis , J. Combrink, H. le R. Jooste.
Voorkant: L. J. Erasmus, Henning J. Klopper, Ds W. Nicol, J. E. Reeler

Die Afrikaner Broederbond (AB) was tussen 1918[1] en 1994 'n geheime, eksklusief wit en manlike Protestantse organisasie in Suid-Afrika wat na die bevordering van Afrikanersake omgesien het. Die organisasie is in 1918 deur HJ Klopper, HW van der Merwe, DHC du Plessis en Jozua Naudé[2] gestig. Die organisasie het tot 1920 as Jong Zuid Afrika bekend gestaan, waarna dit amptelik na die Afrikaner Broederbond hernoem is.[3]

Gedurende die apartheidsjare was meeste regeringsministers, asook invloedryke kerkleiers, akademici, professionele, militêre en polisiebeamptes lede van die vereniging. Dit was gereeld aangetyg en altyd ontken dat die belangrike besluite van die Suid-Afrikaanse staat deur die toe baie geheimsinnige Broederbond gemaak is.

In 1979 het die boek Broederbond: The Super-Afrikaners, deur Ivor Wilkins en Hans Strydom, groot opslae gemaak omdat dit nie net 'n exposé van die Broederbond was nie, maar ook 'n bylaag van 139 bladsye gehad het waarin die naam, beroep en ander inligting van elke lid van die Broederbond verskyn het.

Leiers[wysig]

Die voorsitters van die Broederbond was:[3]

Naam Titel Van Tot
Klopper, HJ 1918 1924
Nicol, W Ds. 1924 1925
Greybe, JH 1925 1928
Potgieter, JW 1928 1930
du Plessis, LJ Prof. 1930 1932
van Rooy, JC Prof. 1932 1938
Diederichs, N Dr. 1938 1942
van Rooy, JC Prof. 1942 1952
Thom, HB Prof. 1952 1960
Meyer, PJ Dr. 1960 1972
Treurnicht, AP Dr. 1972 1974
Viljoen, G Prof. 1974 1980
Boshoff, CWH[4] Prof. 1980 1983
de Lange, JP[4] Prof. 1983 1993
de Beer, TL[5] 1993 1994

Verwysings[wysig]

  1. Jong Suid Afrika - founded in June 1918”.
  2. Mormonen voor vrede en gerechtigheid - Robert Poort - April 2006”.
  3. 3,0 3,1 Wilkins, Ivor; Strydom, Hans (1980), The Super-Afrikaners. Inside the Afrikaner Broederbond (Paperback ed.), Braamfontein, Johannesburg: Jonathan Ball 
  4. 4,0 4,1 van Wyk, AH. "Die rol van die verligtes in die Nasionale Party in die politieke ontmagtiging van die Afrikaner, 1966-1994 (Afrikaans)" (pdf). University of Pretoria. Besoek op 2007-06-09.
  5. "Die Nuwe Afrikaner-Broederbond" ([dooie skakel]Scholar search), Beeld: 13, 30 November 1993, http://152.111.1.251/argief/berigte/beeld/1993/11/30/13/4.html