Akureyri

in Wikipedia, die vrye ensiklopedie
Spring na: navigasie, soek

Akureyri
Akureyri12.JPG

Kaart Wapen
Akureyri map.png
Vlag
 Land Flag of Iceland.svg Ysland
 Gewes Norðurland eystra
 Koördinate 65°41′N 18°6′W
 Stigting 1602 Deense handelspos
 Stadstatus 1786
 Oppervlakte:  
 - Totaal 133 vk km
 Hoogte bo seevlak 7 m
 Bevolking:  
 - Totaal (1 April 2008) 17 304
 - Bevolkingsdigtheid 139/vk km
 Tydsone UTC +0
 Klimaat  
 - Tipe Polêre seeklimaat
 - Gemiddelde jaarlikse temperatuur 3,8 °C
 - Gem. temp. Januarie/Julie -1,6 / 11,0 °C
 - Gemiddelde jaarlikse neerslag 457 mm
 Burgemeester Sigrún Björk Jakobsdóttir
 Amptelike Webwerf www.akureyri.is

Akureyri [ˈaːkʰʏrˌeiːrɪ] is met 'n bevolking van 17 304 mense die vierde grootste stad van YslandReykjavik, Kópavogur en Hafnarfjördur. Dit is die tweede grootste stedelike gebied buite die hoofstadgewes van Reykjavik en die beduidendste kulturele, nywerheids-, dienste- en handelsentrum in Noord-Ysland. Danksy 'n groot aantal skole en die Universiteit van Akureyri, wat in 1987 geopen is, fungeer die stad ook as 'n opvoedkundige sentrum vir die gebied. Akureyri is langs die Yslandse Ringpad 1 geleë en beskik oor sy eie see- en lughawe.

Geografie[wysig]

Akureyri is in die noordooste van Ysland en aan die westelike oewer van die fjord Eyjafjörður, wat 90 kilometer ver na die binneland strek, en die Glerárivier geleë, net sowat 50 kilometer van die Noordpoolsirkel wat dwarsoor die eiland Grímsey loop. Die stad word deur berge omring, waarvan Súlur (1 213 meter) en Hlíðarfjall (1 116 meter) die hoogstes is. Die kusvlakte beslaan net 'n smal landstrook, terwyl die grootste deel van die omgewing berg- en heuwelagtig is.

Die fjord Eyjafjörður met Akureyri aan die regterkant

Die stad se ligging aan die einde van 'n lang fjord en tussen hoë bergspitse, wat Akureyri teen sterk winde beskerm, skep 'n mikroklimaat met kontinentale trekke. Akureyri ondervind dus in vergelyking met ander bewoonde gebiede in Ysland aansienlike temperatuurskommelinge tussen die winter- en somerseisoene, met kouer winters en relatief warm somers waartydens die kwik tot by 25 °C kan styg.

In die afgelope eeue is enkele landtonge (Yslands: eyri, Akureyri is 'n samestelling van akur "veld, akker" en eyri) deur die see oorstroom, tog het die bewoners intussen baie grond van die see herwin en sodoende 'n reëlmatige kuslyn geskep. Die enigste oorgeblewe natuurlike landtong, Oddeyri, is deur die Glerárivier geskep.

Die seegebied tussen Oddeyri en die fjord se eindpunt staan as Pollurinn bekend. Hierdie natuurlike diepseehawe het danksy sy kalm winde al vroeg Deense koopmans gelok wat hier 'n handelspos gestig het.

Commons
Wikimedia Commons het meer media verwant aan:
Akureyri (bladsy)