Kópavogur

in Wikipedia, die vrye ensiklopedie
Spring na: navigasie, soek

Stad Kópavogur
Kópavogsbær

Kaart Wapen
Kópavogur.png
Land
Flag of Iceland.svg
 Land Ysland
 Gewes Höfuðborgarsvæðið
 Koördinate 64°06' N, 21°54' W
 Stigting --
 Oppervlak:  
 - Totaal 83,72 vk km
 Hoogte bo seevlak 0 m
 Bevolking:  
 - Totaal (1 Oktober 2007) 28 291
 - Bevolkingsdigtheid 354/vk km
 Tydsone UTC +0
 Burgemeester Gunnar I. Birgisson
 Amptelike Webwerf www.kopavogur.is

Kópavogur (letterlik "Die klein baai van die seehondjie", amptelik: Kópavogsbær) is met 28 291 inwoners (1 Oktober 2007) die tweede grootste stad van Ysland. Kópavogur lê in die metropolitaanse gebied van die hoofstad Reykjavík in die suidweste van die land. Kópavogur het 'n gemengde stadskarakter wat sowel deur die tipiese woonstelblokke en ander residensiële geboue van 'n voorstad asook sakegebiede gekenmerk word.

Geskiedenis[wysig]

Kópavogur het gedurende die Deense handelsmonopolie in Ysland in die tydperk tussen 1602 en 1787 'n belangrike historiese rol gespeel - hier is in 1622 die dokument onderteken waarmee die Yslanders die oppergesag van Denemarke oor hul land moes erken.

Nogtans was die gebied van Kópavogur tot by die dertigerjare van die 20ste eeu yl bevolk en het eers met die toenemende verstedeliking van die Yslandse bevolking 'n vinnige bevolkingsgroei getoon.

Argitektuur[wysig]

Sekulêre boukuns[wysig]

Tans beskik Kópavogur oor die grootste winkelsentrum van Ysland, Smáralind. Hierdie sentrum pronk met die tweede hoogste gebou van die land, terwyl die hoogste, die Smáratorg-toring met 'n beplande hoogte van 77,6 meter, tans opgerig word.

Sakrale boukuns[wysig]

Die Kópavogskirkja op die Kópavogur-heuwel is deur die argitekte Hörður Bjarnason en Ragnar Emilsson ontwerp en op 12 Desember 1962 ingewy. Die buitengewone dakkonstruksie lyk op die Deense argitek Jørn Utzon se ontwerp vir die beroemde Operahuis van Sydney (Australië).

Die kerkgebou se binneruimte is volgens die bouplan van 'n saalkerk ontwerp en baseer op die Griekse kruis. Die altaar lê in die ooste, terwyl die kerkorrel hom op 'n galery in die weste bevind. Twee bykomende galerye in die noorde en suide van die kerk bied sitplekke vir besoekers.

Die kerkvenster is deur Gerður Helgadóttir ontwerp en skep met hulle merendeels blou en rooi kleure 'n besondere atmosfeer.