Albigensiese Kruistog

in Wikipedia, die vrye ensiklopedie
Spring na: navigasie, soek
Albigensiese Kruistog
Deel van Kruistogte
Cartes Occitanie.png
Languedoc (en deel van die Koninkryk van Aragon) in 1209.
Datum 12091229
Ligging Languedoc, Frankryk
Resultaat Kruisvaarder en Franse oorwinning
Strydende partye
Cross-Pattee-alternate red.svg Kruisvaarders

France Ancient.svg Koninkryk van Frankryk

CatharCross.svg Kathare

Blason Languedoc.svg Graafskap van Toulouse
Aragon Arms-crown.svg Kroon van Aragon

Aanvoerders
France Ancient.svg Simon IV van Montfort (†)

France Ancient.svg Filips II van Frankryk
France Ancient.svg Lodewyk VIII van Frankryk

Blason Languedoc.svg Raymond Roger Trencavel

Blason Languedoc.svg Raymond VI van Toulouse
Aragon Arms-crown.svg Pieter II van Aragon (†)

Die Albigensiese Kruistog (Frans: croisade des Albigeois of croisade contre les Albigeois) (1208-1249) was 'n kruistog wat deur die Katolieke Kerk teen kettery, hoofsaaklik die katharisme en tot 'n mindere mate die Waldense, uitgevaardig is. Van die 12de eeu praat tekste uit die tydperk van die Albigensiese kettery sonder dat die gebied meer kathaars was as naburige streke.

Monument ter ere van die tweehonderd kathare wat aan die einde van die beleg van Montségur (16 Maart 1244) verbrand is.

Katharisme was veral in Languedoc, wat deur twee families oorheers is, die Huis van Toulouse en die Huis Trencavel, gevestig. Nadat hulle nie daarin kon slaag om 'n gemeenskalike front te vorm nie het die graaf Raymond VI van Toulouse besluit om oor te loop, terwyl Raimond-Roger Trencavel hom voorberei het vir verdediging teen die kruistog. Nadat Béziers en Carcassonne ingeneem is en die burggraaf Trencavel gevangene geneem is, het die kruisvaarders een van hulle eie, Simon van Montfort gekies om die stryd voort te sit (1209). Die kruistog het spoedig ontwikkel in 'n veroweringsoorlog, eerstens deur die Graaf Simon van Montfort, daarna na die dood van laasgenoemde (1218) en die mislukking van sy seun Amaury, tot die voordeel van die Franse Kroon. Dit het nie 'n eind egebring aan die vervolging van Khatare nie, eers onder aanvoering van plaaslike biskoppe en later onder die Inkwisisie (vanaf 1233).

Uiteindelik is die burgraafskappe van Carcassonne, Albi en Béziers onder die koninklike domien verenig in 1226; die Graafskap van Toulouse het oorgegaan na Alphonse van Poitiers, 'n broer van Lodewyk die Heilige in 1249 en is in 1271 geannekseer. Die Languedoc, wat hom aan die begin van die 13de eeu nog onder die invloedsfeer van die Koninkryk van Aragon bevind het, het teen die einde van die eeu onder die Koning van Frankryk geval. In die tydperk is die katarisme uitgeroei in Languedoc en het daar slegs 'n paar katare in Lombardye geskuil.