Amateur Radio Society of India

in Wikipedia, die vrye ensiklopedie
Spring na: navigasie, soek

Die Amateur Radio Society of India (ARSI) is die Indiese nasionale vereniging vir amateurradioöperateurs in Indië. Die vereniging se doel is om aan die een kant die bevordering en verspreiding van kennis van wetenskap en die beoefening van elektronika en radio kommunikasie te bevorder so wel as om die uitruil van inligting en idees onder verenigingslede moontlik te maak. Aan die ander kant is hul doel ook om Indië ten alle tye, na die beste van hulle vermoëns, te dien deur noodsaaklike kommunikasie te onderhou in enige noodtoestand, nasionaal of internasionaal.

Voorbeelde van rampe waar die vereniging se lede aktief was om kommunikasie te verskaf totdat normale kanale herstel is, was die Koynadam-aardbewing in 1967, die Gujarat-aardbewing in 2001, die Bhopal-gaslek in 1984, en die tsoenami van 2004. Ná die tsoenami was amateurradio die enigste kommunikasiewyse tussen die Andaman eilande and die vasteland.

Die Vereniging is in 1954 gestig deur militêre en siviele amateurs en was oorspronklik in Delhi geregistreer maar later het hulle hoofkantoor na Chennai toe getrek. In 1955 het ARSI saamgesmelt met die Federation of Amateur Radio Societies of India (FARSI).

Die Vereniging het die roepsein VU2ZH.

Eksterne skakels[wysig]