Apt (Vaucluse)

in Wikipedia, die vrye ensiklopedie
Spring na: navigasie, soek
Apt
Standbeeld van die heilige Anna op die koepel van die katedraal
Standbeeld van die heilige Anna op die koepel van die katedraal
Wapen van Apt
Wapen
Ligging van Apt op 'n kaart (Frankryk)
Apt
Apt
Koördinate: 43°52′37″N 5°23′49″O
Land Vlag van Frankryk Frankryk
Gewes Flag of Provence-Alpes-Cote dAzur.svg Provence-Alpes-Côte d'Azur
Département Blason département fr Vaucluse.svg Vaucluse
Arrondissement Apt
Kanton Apt
Stigting 150 v.C.
Regering
 - Burgemeester Olivier Curel
Oppervlak
 - Stad 44,57 km²  (17,2 vk m)
Hoogte 170–567 m (560–1 860 vt)
Bevolking (2009)
 - Stad 11 405
Poskode 84400
Skakelkode(s) 84003
Webwerf: apt.fr

Apt is 'n dorp in die Franse département Vaucluse (région Provence-Alpes-Côte d'Azur) met 11 405 inwoners (2009). Apt lê tussen die Plato van Vaucluse en die Luberon-bergreeks, in die hartland van die Luberon. Die dorp het sy eeue-oue Provensaalse karakter bewaar en bekoor met nou straatjies, ou fonteine en statige herehuise.

Apt het sy naam aan 'n geologiese periode van die Laer Kryttydperk verleen, die sogenaamde Aptium.

Geskiedenis[wysig]

Apt was in die Romeinse tydperk 'n welvarende kolonie, Apta Julia, wat in 150 v.C. gestig is, en 'n stasie langs die Via Domitia, die ou Romeinse pad tussen Milaan en Arles.

Argitektuur[wysig]

Die Sint-Anna-katedraal is 'n voortreflike voorbeeld van die Provensaalse kerkboukuns tussen die 12de en 14de eeu.

Ekonomie[wysig]

Die poort van Saignon

Apt staan bekend as die "wêreldhoofstad van gekonfyte vrugte". Die dorp beskik oor talle vrugteplantasies en wingerde, wat deel uitmaak van die wynboustreek Côtes du Vendoux. Apt dien daarnaas as die ekonomiese en marksentrum van die yl bevolkte Luberon-streek in Sentraal-Provence.

Tot by die einde van die 1990's het die Franse weermag noord van Apt, op die plato van Albion, oor 'n arsenaal met kernwapens beskik. 'n Gedeelte van die voormalige kasarm op die terrein dien tans as 'n opleidingsentrum vir rekrute van die Franse Vreemdelegioen.

Toerisme[wysig]

Apt is die toeristesentrum vir die nabygeleë bergreekse van Grand Luberon en Petit Luberon, wat oor sowat 600 vierkantekilometer strek en 'n maksimale hoogte van 1 256 meter bo seevlak bereik. Die omgewing van Apt, waaronder dorpe soos Gordes, het sedert die sewentigerjare van die 20ste eeu tot 'n belangrike bestemming vir welgestelde vakansiegangers uit Franryk, die Verenigde Koninkryk en Duitsland ontwikkel, wat die natuurskoon en rustige, landelike lewe kom geniet. Sportklimgeesdriftiges word deur die krytrotse van Buoux gelok. 'n Fietsroete verbind Apt met die buurdorpe Cavaillon en Forcalquier.

Die Britse skrywer Peter Mayle beskryf die landskap en lewenstyl van sy bewoners in 'n aantal romans.

Eksterne skakels[wysig]