Barre (stad), Vermont

in Wikipedia, die vrye ensiklopedie
Spring na: navigasie, soek
Barre
Barre City park gazebo and church.JPG
Bynaam: Granite Center of the World
Ligging van Barre in Vermont, VSA
Ligging van Barre in Vermont, VSA
Koördinate: 44°11′41″N 72°30′23″W
Land Vlag van Verenigde State Verenigde State
Deelstaat Vermont
County Washington
Geïnkorporeer op 1895
Regering
 - Burgemeester Thom Lauzon
Oppervlak
 - Stad 10,4 km²  (4 vk m)
Hoogte 186 m (609 vt)
Bevolking (2010)
 - Stad 9 052
 - Digtheid 870/km² (2 300/vk m)
 - Metropolitaans 59 564
Tydsone EST (UTC-05:00)
 - Somer (DST) EDT (UTC-04:00)
ZIP-kode 05641
Skakelkode(s) 802
Webwerf: barrecity.org

Barre (/ˈbæri/) is 'n stad in die administratiewe distrik Washington County, deelstaat Vermont, in die Verenigde State. Volgens die VSA-sensus van 2010 het die stad 'n bevolking van 9 052 mense gehad. Die stadsgebied van Barre City word byna volledig deur die susterdorp Barre omsluit wat 'n onafhanklik geïnkorporeerde nedersetting vorm.

In die plaaslike media- en sakebedryf word Barre City dikwels as 'n susterstad van Montpelier behandel. Die twee stede word deur die grootpaaie U.S. Route 302 en Interstate 89 met mekaar verbind. Barre is ook die beduidendste stad in die gelyknamige mikropolitaanse gebied met 59 564 inwoners - die derde grootste in Vermont ná Burlington en Rutland. Barre is daarnaas die grootste stad in Washington County en die vierde grootste in Vermont, asook dié deelstaat se tiende grootste munisipaliteit.

Geskiedenis[wysig]

Granietbedryf[wysig]

Barre is die wêreld se selfverklaarde "Graniethoofstad" (Granite Center of the World) en is oorspronklik ná die ontdekking van graniet by Millstone Hill kort ná die Oorlog van 1812 gestig. Die granietbedryf en Barre City het met die koms van die spoorweg 'n ekonomiese opswaai beleef.

Die nuus van Barre se granietdagsoom, wat volgens sommige geoloë oor 'n basis met 'n lengte van vier myl, 'n wydte van twee myl en 'n diepte van tien myl strek, het vinnig ook Europa en Kanada bereik. 'n Groot aantal immigrante uit Italië, Skotland, Spanje, Skandinawië, Griekeland, Libanon, Kanada en 'n aantal ander lande het na Barre gestroom. Barre se bevolking het van 'n skrale 2 060 mense in 1880 gegroei tot 6 790 in 1890 en 10 000 in 1894. Teen die eeuwisseling het Barre as Vermont se mees multi-etniese gemeenskap bekend gestaan.

Veral die Italiaanse steengroefwerkers het 'n radikale, grotendeels anargistiese arbeidersbeweging na Barre saamgebring. Hulle was oorspronklik by die Socialist Labor Party (Sosialistiese Arbeidersparty) geaffilieer en het later by die Industrial Workers of the World aangesluit. In 1916 het hulle 'n kandidaat van die Sosialistiese Party van Amerika as burgemeester van Barre verkies. Die radikales se ou Labor Hall staan nog steeds en is in 2000 deur die National Register of Historic Places gelys.

"Barre Gray"-graniet is dwarsoor die wêreld gewild danksy sy fyn korrelagtige en egalige struktuur en ook vanweë sy baie goeie weerbestandheid. Baie beeldhouers gee die voorkeur aan Barre-graniet vir hulle buitemuurse skulpture.[1]

'n Groot verskeidenheid beeldhouwerke kan op Barre se Hope-begraafplaas besigtig word.

Verwysings[wysig]

  1. Rich, Jack C.: Materials and Methods of Sculpture, Dover Publications 1988

Eksterne skakels[wysig]

Flag of Vermont State of Vermont
Onderwerpe

Grondwet | Kultuur | Geografie | Regering | Geskiedenis | Ekonomie | Stede | Dorpe in Vermont

Hoofstad

Montpelier

Streke

Champlainvallei | Groen Berge | Mount Mansfield | Northeast Kingdom

Distrikte

Addison | Bennington | Caledonia | Chittenden | Essex | Franklin | Grand Isle | Lamoille | Orange | Orleans | Rutland | Washington | Windham | Windsor

Stede

Barre | Burlington | Montpelier | Newport | Rutland | South Burlington | St. Albans | Vergennes | Winooski

Dorpe

Bennington | Calais | Stowe | Williston