Barry Ronge
Barry Johann Ronge (1948 - 3 Julie 2022) was ‘n Suid-Afrikaanse joernalis, rubriekskrywer, skrywer, omroeper, filmresensent en humoris. Hy was een van die land se bekendste filmresensente sowel as een van sy mees gelese (en bespreekte) rubriekskrywers.[1]
Ronge is in Hillbrow, Johannesburg, gebore en het aan die Wes-Rand grootgeword waar hy by die Hoërskool Florida Park op skool was. Hy het sy studies aan die Universiteit van die Witwatersrand voltooi, waarna hy 'n onderwysloopbaan aan die St. John's Kollege begin het, gevolg deur 'n tien jaar lange diens as 'n dosent in letterkunde aan die Universiteit van die Witwatersrand. Hy het later gaan werk in die gedrukte en elektroniese media en 'n joernalis geword wat in die kunste spesialiseer.
Ronge is veral bekend vir sy Spit and Polish rubriek in die Sunday Times, sy fliekresensies vir dieselfde koerant en sy Sondagaandprogram op Radio 702. Nadat hy 27 jaar lank vir die Sunday Times geskryf het, het is sy laaste rubriek op 23 Februarie 2014 gepubliseer.[2] In 2015 het die Sunday Times sy prys vir Suid-Afrikaanse letterkunde herdoop na die Barry Ronge-fiksieprys.[3][4]
Hy sterf op 3 Julie 2022 in sy tuisstad Johannesburg.
Boeke[wysig | wysig bron]
- Spit 'n Polish, 2006, Penguin Books SA, ISBN 9780143025252
Toekennings[wysig | wysig bron]
- Thomas Pringle Award for Reviews, English Academy of South Africa, 2005
- Barry Ronge Fiction Prize longlist.[5]
Verwysings[wysig | wysig bron]
- ↑ "BARRY RONGE QUOTES AND BOOKINGS - RADIO PERSONALITY". www.entertainment-online.co.za. Geargiveer vanaf die oorspronklike op 20 November 2016. Besoek op 19 November 2016.
- ↑ Bristow-Bovey, Darrel. "The Big Read: Time to write a Ronge". Times LIVE. Besoek op 19 November 2016.
- ↑ "The 2016 Sunday Times Barry Ronge Fiction Prize longlist". Sunday Times Books LIVE @ Sunday Times Books LIVE. Besoek op 19 November 2016.
- ↑ "Barry Ronge Receives a Lifetime Achievement Award from the Sunday Times". The Sunday Times. 30 Junie 2014. Besoek op 19 November 2016.
- ↑ "The 2015 Sunday Times Barry Ronge Fiction Prize Longlist". Sunday Times Books LIVE @ Sunday Times Books LIVE (in Engels). Besoek op 21 November 2017.
