Bayreuth

in Wikipedia, die vrye ensiklopedie
Spring na: navigasie, soek
Bayreuth
Bayreuth se markplein
Bayreuth se markplein
Wapen van Bayreuth
Wapen
Ligging van Bayreuth op 'n kaart (Duitsland)
Bayreuth
Bayreuth
Koördinate: 49°56′53″N 11°34′42″O
Land Vlag van Duitsland Duitsland
Deelstaat Beiere
Regering
 - Burgemeester Brigitte Merk-Erbe
Oppervlak
 - Stad 66,92 km²  (25,8 vk m)
Hoogte bo seespieël 340 m (1 115 vt)
Bevolking (31 Desember 2008[1])
 - Stad 72,935
 - Digtheid 1 090/km² (2 823,1/myl2)
Webwerf: www.bayreuth.de

Bayreuth is 'n stad in noordelike Beiere, Duitsland, aan die Rooi-Main-rivier in 'n vallei tussen die Frankiese Alb en die Fichtelgebergte. Dit is die hoofstad van Bo-Franken en het in 2008 'n bevolking van 73 048 gehad.

Die stad is wyd bekend weens sy verbintenis met die komponis Richard Wagner, wat van 1872 tot en met sy dood in 1883 hier gewoon het. Wagner se villa, "Wahnfried", is in Bayreuth gebou met die geldelike bystand van koning Ludwig II van Beiere en is ná die Eerste Wêreldoorlog in die Wagner-museum omskep. Die Bayreuth Festspielhaus is noord van die stad geleë, 'n operahuis wat spesiaal opgerig is vir die uitsluitlike opvoering van Wagner se operas. Hier het is première opgevoer van die laaste twee operas in Wagner se siklus Der Ring des Nibelungen (Siegfried en Götterdämmerung), van die siklus as geheel en ook van Parsifal.

Wagner se operas word elke somer tydens die maandlange Richard Wagner-fees in die Festspielhaus opgevoer, wat algemeen bekendstaan as die Bayreuth-fees. Dit lok duisende besoekers en was nog elke jaar sedert die eerste geleentheid in 1876 uitverkoop. Die huidige waglys is tans tot meer as tien jaar lank.

Bayreuth Festspielhaus soos dit vandag lyk

Verwysings[wysig]