Beheerstelsel

in Wikipedia, die vrye ensiklopedie
Spring na: navigasie, soek

'n Beheerstelsel is 'n stelsel wat 'n proses of 'n ander stelsel beheer. Die klein boksie wat die besproeing in 'n tuin beheer is 'n beheerstelsel, so ook die heelwat groter een wat 'n ruimtetuig beheer. 'n Beheerstelsel kan baie keer in kleiner beheerstelsels opgedeel word, sodat 'n onderdeel van 'n beheerstelsel 'n sekere spesifieke stelsel of proses beheer. Die kleiner stelsels kan dan saamgevoeg word om 'n heelwat groter stelsel te beheer, soos wat dit tipies op 'n ruimtetuig sal gebeur.

Beheerstelsels is ook sinoniem met die idee van "masjien intelligensie". Die stelsel wat 'n proses of stelsel beheer behoort 'n seker mate van intelligensie te hê om besluite te kan maak in reaksie op veranderinge in die sisteem of proses wat beheer word. Dit beteken dus ook dat die stelsel veranderinge moet kan meet in die stelsel wat beheer word en dan daarop reageer en die stelsel "beveel" om 'n verandering te maak.

Sien ook[wysig]