Biomassa

in Wikipedia, die vrye ensiklopedie
Spring na: navigasie, soek

Biomassa is 'n algemene term vir materiaal afkomstig van plante, diere, swamme en bakterieë.[1] Biomassa verteenwoordig 'n groot hoeveelheid energie en word in gevalle waard dit verbruik word teen 'n tempo wat kleiner is as wat dit geproduseer word kan dit beskou word as 'n hernubare energiebron aangesien die energie uiteindelik afkomstig is van die son en vasgevang is deur middel van die proses van fotosintese.[2]

Bronne van biomassa[wysig]

Biomassa is hoofsaaklik afkomstig uit die volgende bronne[2]:

  • Hout vanaf natuurlike woude en bosse
  • Bosbou plantasies
  • Oorskot van bosboubedrywe
  • Landbou oorskotte soos strooi, suikerrietreste, dierereste en ander groen landbou-afval.
  • Dierekarkasse
  • Oorskot van papierverwerking
  • Riool
  • Suiker en graan wat gebruik word in die vervaardiging van biobrandstowwe
  • Oliesade wat gebruik word in die vervaardiging biodiesel

Daar word geraam dat bykans 11% van die wêreld se energiebehoeftes deur biomassa voorsien word met ongeveer die helfte daarvan in die vorm van hout. Dit is egter moeilik om presiese hoeveelhede vas te stel omdat baie van die verbruik in veral die derde wêreld nie op 'n kommersiële basis geskied nie.[2]

Nadele verbonde aan biomassa as energiebron[wysig]

Alhoewel biomassa 'n volhoubare energiebron kan wees onder sekere omstandighede is daar wel verskeie nadele en probleme wat oorkom moet word[3]:

  • Biomassa veral as dit ondoeltreffend verbrand word dra by tot besoedeling al is die netto bydrae tot koolstofdioksied in die atmosfeer dikwels nul. 'n Mens kan as voorbeeld die verbranding van hout in sekere krotbuurtes waarneem waar daar baie partikels in die vorm van rook in die lug vrygestel word.
  • Om 'n skoon brandstof uit biomassa te vervaardig vereis verdere verwerking wat duur kan wees en vereis dikwels baie energie, wat dikwels lei tot 'n netto energieverbruik.
  • Die verbranding van biomassa stel steeds chemiese stowwe soos Swaeldioksied en Stikstofoksied in die lug vry.
  • As die biomassa nie 'n byproduk is van ander landbouaktiwiteite nie kan dit vrugbare grond opneem wat andersins vir voedselproduksie aangewend kon gewees het.
  • Biomassa in die vorm van hout is dikwels afkomstig van die stroop van natuurlike bos wat dierehabitat vernietig.

Verwysings[wysig]