Blou Polisie

in Wikipedia, die vrye ensiklopedie
Spring na: navigasie, soek

Die Blou Polisie, meer korrek vertaal as Die Vlootblou Polisie (Granatowa policja in Pools), was die gewilde naam vir die Poolse polisie wat met Nazi-Duitsland saamgewerk het tydens die Tweede Wêreldoorlog. Die naam verwys na die blou uniforms wat deur die lede van die polisie gedra is.

Die Blou Polisie is deur Nazi-Duitsland gestig as 'n paramilitêre hulppolisiemag wat moes help om die orde te hou in die Duits-beheerde dele van Pole. Soortgelyke organisasies het in al die besette lande bestaan. Die polisiemag het oorspronklik slegs kriminele agtervolg, maar is later ook gebruik om smokkeling teen te werk en ook om teen die Joodse bevolking in die ghettos op te tree. Dit is amptelik deur die Poolse Komitee vir Nasionale Bevryding op 27 Augustus 1944 ontbind.[1] [2]

Verwysings[wysig | wysig bron]

  1. Abraham J. Edelheit en Hershel Edelheit (1991). A World in Turmoil: An Integrated Chronology of the Holocaust and World War II. Greenwood Press. ISBN 0313282188.
  2. Andrzej Burda (1976). Polskie prawo państwowe Państwowe Ẇydawnictwa Naukowe: Warskou.