Boere-Afrikanervolksraad
Boere-Afrikanervolksraad is 'n volksraad wat deur die Volksraad Verkiesing Kommissie (VVK) verkies word.
Lede[wysig | wysig bron]
Die volksraad bestaan tans uit die lede wat tydens die VVK se eerste verkiesing op 23 September en 24 September 2011 verkies is, naamlik:
- Andries Breytenbach (voorsitter)
- Abel Malan (adjunk-voorsitter)
- Henk van de Graaf (sekretaris)
- Ben Geldenhuys (penningmeester)
- Sakkie van der Merwe
- Steyn van Ronge
- Franz Jooste
- Etienne le Roux (KwaZulu-Natal)
- Tiaan Theron (voormalige Kaapland)
Selfbeskikkingseis[wysig | wysig bron]
Die Boere-Afrikanervolksraad het op 26 Oktober 2011 ‘n skrywe aan die Kantoor van die Staatspresident oorhandig waarin hulle die regering in kennis stel van die verkiesing en hulle voorneme om hulle mandaat vir selfbeskikking tot uitvoering te bring.
Die regering het egter nie hierop gereageer nie en versoeke om die saak te bespreek is ook geïgnoreer. In Oktober 2012 is 'n ultimatum aan ‘n verteenwoordiger van pres. Jacob Zuma se kantoor by die Uniegebou in Pretoria oorhandig. Dit is deur Theunissen Shongwe, met verwysingsnommer 5587, in ontvangs geneem.
Die volksraad het beplan om op 30 November 2012 saamtrekke by die ambassades van die stamlande te organiseer, insluitende by die Duitse, Nederlandse, Franse en die Amerikaanse ambassade. Tydens die saamtrekke sou die vryheidseis in Afrikaans sowel as die taal van die ambassade voorgehou word.
