23 September

23 September is die 266ste dag van die jaar in die Gregoriaanse kalender (267ste in skrikkeljare). Daar volg nog 99 dae in die res van die jaar.

Gebeure

Ramón Emeterio Betances

• 1122 – Konkordaat van Worms: Einde van die Investituurstryd.
• 1227 – Sinibaldo de Fieschi (later Pous Innocentius IV) word kardinaal-priester van St. Lorenzo in Lucina.
• 1459 – In Staffordshire, Engeland, behaal magte lojaal aan die Huis van York onder leiding van Richard Neville 'n oorwinning by die Slag van Blore Heath, die eerste grootskaalse geveg in die Oorlog van die Rose.
• 1513 – Pous Leo X stel vier nuwe kardinale aan, waaronder sy neef Giulio de' Medici (later Pous Clemens VII) en nog 'n familielid Innocenzo Cibo.
• 1632 – Pous Urbanus VIII begin die proses teen Galileo oor die heliosentriese stelsel.
• 1771 – Pous Clemens XIV stel Innocenzo Conti, titulêr aartsbiskop van Tiro aan as kardinaal.
• 1816 – Pous Pius VII stel vier nuwe kardinale aan, waaronder Francisco Antonio Cebrián y Valdá, patriarg van Wes Indië.
• 1846 – Die planeet Neptunus word deur die sterrekundiges Urbain Le Verrier, Johann Gottfried Galle en John Couch Adams ontdek.
• 1868 – Ramón Emeterio Betances lei die Grito de Lares-opstand teen Spaanse oorheersing van Porto Rico.
• 1874 – ’n Span Franse sterrekundiges kom op Sint-Pauleiland in die Franse Suidelike en Antarktiese Gebiede in die Indiese Oseaan aan om die Venusoorgang waar te neem.
• 1914 – Eerste Wêreldoorlog: die duikboot U-19 sink drie Britse kruisers.
• 1932 – Hejaz en Nejd smelt saam om die Koninkryk van Saoedi-Arabië te vorm met Ibn Saud as die eerste monarg en Riyadh as die hoofstad.
• 1983 – Gerrie Coetzee van Suid Afrika word die eerste swaargewig bokskampioen uit Afrika

Geboortes

• 63 v.C. – Augustus, Romeinse keiser († 14).
• 1928 – Fanus Rautenbach, Suid-Afrikaanse radio-omroeper, skrywer en mediapersoonlikheid († 2011)
• 1929 – Johan Claasen, Suid-Afrika se ses-en-twintigste Springbokkaptein.

Sterftes

• 1838 – Gerrit Maritz, Voortrekkerpionier en leier (* 1798).
• 2012 – Corrie Sanders, Suid-Afrikaanse swaargewigbokskampioen (* 1966).

Vakansies, vierings, en waarnemingsdae

• In die Rooms-Katolieke Kerk die feesdag van die heilige Linus, die tweede pous en opvolger van Petrus.