Brons

in Wikipedia, die vrye ensiklopedie
Spring na: navigasie, soek
'n Brons medalje.

Brons is 'n legering (allooi) van koper en tin, die legering het 'n groen-geel kleur. Deur korrosie ontstaan daar dikwels 'n groen oksiede-laag op die oppervlak.

Brons word gebruik om beelde en ander vorme te giet, asook vir die vervaardiging van onderdele wat in die ingenieurswese gebruik word. Voorbeelde hiervan is: ratte, kleppe, elektriese komponente, klokke, kanonlope, ens.

Die hoof kategorieë van Brons is:

  • Aluminium Brons;
  • Lood Brons;
  • Tin Brons en
  • Silikoon Brons.

Brons was die eerste allooi wat deur mense gebruik was. Die eerste nasie wat brons gebruik het was die Egiptenare, ongeveer 3500 jaar v.C. Die tydperk word derhalwe die Brons Era genoem.

Tradisioneel word brons gesien as die derde eremetaal: 'n Brons medalje word uitgereik aan die persoon wat 'n derde plek in 'n wedstryd behaal.