Cape Tribulation
Cape Tribulation is 'n landpunt (kaap) in noordelike Queensland, Australië, noord van Cairns. Dit is geleë binne die Daintree Nasionale Park en die Wet Trope Wêrelderfenisgebied. Die gebied bevat 'n klein aantal toerisme- en rugsakreisigeroorde. 'n Teerpad verleen toegang vanaf die suide via die Daintree-rivier veerboot. Noord vanaf die Cape Tribulation Strandhuis, 'n grondpad vir vierwielaangedrewe voertuie, bekend as Bloomfield Track, gaan verder na die Bloomfield-rivier, Wujal-Wujal, Bloomfield-valle en Cooktown en is dikwels tydens die nat seisoen (Feb-Apr) gesluit.
Die tradisionele eienaars van die gebied is die Kuku Yalanji-stam. Die kaap is benoem deur die Britse ontdekkingsreisiger James Cook op die 10de Junie 1770 nadat sy skip op 'n rif daarnaby op die rotse beland het (Tribulation beteken beproewing).[1]
In 2006 was die aangetekende reënval meer as 6.5 meter en die meeste mense verkies om die gebied in die droë seisoen tussen Julie en November te besoek. Tydens die nat seisoen is giftige jellievisse volop in die seewater en swem besoekers in die baie strome wat nie krokodille bevat nie. Daar is vier hoofoorde waar mense kan vertoef. Die dorp het ook twee klein supermarkte, twee kitsbanke, 'n kitskoswinkel en vyf restourante.
Die Groot Koraalrif is sowat 19 km reg oos van hier en daar is twee huurbote wat vanaf die strand vertrek. Tipiese aktiwiteite wat beskikbaar is begeleide nagwandelinge, vierwielteore, perdry, kanory en krokodilbesigtigingstoere onder andere.
[wysig] Eksterne skakels
[wysig] Verwysings
- ^ http://www.gutenberg.org/etext/8106, Captain Cook's Journal During the First Voyage Round the World
