Queensland
vanuit Wikipedia, die vrye ensiklopedie.
Queensland is 'n deelstaat van Australië wat in die noordooste van die Australiese kontinent geleë is. Dit word begrens deur die Northern Territory aan die weste, South Australia aan die suidweste en New South Wales in die suide. In die ooste lê die kusgebied by die koraalsee en die Stille Oseaan. Die deelstaat is die tweede grootste ten opsigte van oppevlakte gevolg deur Western Australia en die land se dig bevolkste deelstate New South Wales en Victoria.
Die gebied is vir die eerste keer deur Australiese inboorlinge en Straat van Torres eilandbewoners bewoon wat ongeveer tussen 40 000 en 65 000 jaar gelede daar aangekom het volgens verskeie dateringstegnieke.[1] Later het Queensland 'n Britse kroonkolonie geword wat afgestig is van die deelstaat New South Wales op 6 Junie 1859, 'n datum wat steeds jaarliks herdenk word as Queensland dag. Die gebied tans as Brisbane bekend staan was voorheen die Moreton Bay strafkolonie gewees wat bedoel was as 'n plek om misdadigers wat herhaaldelik oortree het na toe te stuur. Die staat het later vrye vestigings aangemoedig en vandag word Queensland se ekonomie gedomineer deur die landbou-, toeriste- en natuurlike hulpbronsektore.
Die bevolking is gekonsentreer in die suidooste van Queensland wat die hoofstad Brisbane, Logan City, Ipswich, Toowoomba en die Gold Coast en die Sunshine Coast insluit. Ander groot plaaslike sentra sluit Cairns, Townsville, Mackay, Rockhampton, Bundaberg, Hervey Bay en Mount Isa in. Daar word dikwels na die staat as die sonskyn staat verwys aangesien die weer warm is en 'n groot deel van die staat in die trope geleë is.
[wysig] Verwysings
- ^ http://www.dreamtime.net.au/indigenous/timeline.cfm Dreaming Online: Indigenous Australian Timeline
