Carl Michalski
Carl Michalski | |
|---|---|
| Gebore | 18 Januarie 1911 |
| Sterf | 11 Desember 1998 (op 87) Bad Wiessee |
| Beroep | Dirigent, komponis |
| Organisasie |
|
Carl Michalski (18 Januarie 1911 – 11 Desember 1998) was 'n Duitse komponis en dirigent. Hy het veral operettes en dansmusiek gedirigeer.
Loopbaan[wysig | wysig bron]
Michalski is gebore in Bochum,[1] en was 'n student van Leopold Reichwein. Michalski was van 1932 tot 1934 werksaam as Kapellmeister by die Schauspielhaus Bochum, en van 1934 tot 1938 dirigent van die Münchener Tanzrundfunkorchester (wat hom veral gewy het aan dansmusiek) van die uitsaaier Bayerischer Rundfunk (Reichssender München).[2] Terselfdertyd werk hy vanaf 1934 by die Staatstheater am Gärtnerplatz in München as dirigent en komponis. Hy het saam met Bernhard Stimmler die operette Gitta gekomponeer, waarvan die première op 16 Mei 1942 by die Gärtnerplatz-teater plaasgevind het, met die ondertitel 'n Reis in die Blou in.[3]:257 Duitse teaters het egter in die somer van 1944 gesluit weens die Tweede Wêreldoorlog.
Hierna was Michalski vanaf 1952 werksaam by die heropende Gärtnerplatz-teater as "Musikalischer Oberleiter" (toesighouer van musiek). Daarbenewens was hy aktief in die teateradministrasie as assistent van die regisseur. In 1954 het hy die operette Die keusche Susanne van Jean Gilbert daar laat herleef.[4] Hy het ook Cole Porter se Kiss Me, Kate in 1956 gedirigeer [3]:283 en Carl Zeller se Der Vogelhändler in 1957.[3]:284
As dirigent het hy verskeie opnames gemaak saam met die orkes van die Wiener Volksoper, die Tanzrundfunkorchester, die Münchner Symphoniker en die Münchner Rundfunkorchester (Orchester des Bayerischen Rundfunks). Hy het talle opnames van operette-uittreksels gemaak, soos Leo Fall se Die Rose von Stambul, met Melitta Muszely en Fritz Wunderlich, Fall se Der liebe Augustin, met Christine Görner en Heinz Hoppe, en Paul Abraham se Viktoria und ihr Husar, met Sári Barabás en Hoppe.[5] 'n Opname van liedere gesing deur George London, met lede van die orkes van die Bayerischer Rundfunk, is in 2006 deur Deutsche Grammophon heruitgegee.[6]
Michalski sterf in 1998 op 87-jarige ouderdom in Bad Wiessee.[1]
Literatuur[wysig | wysig bron]
- Wilhelm Kosch (redakteur): Deutsches Theater-Lexikon. Volume II: Hurka–Pallenberg. Berlyn 2011 (Walter de Gruyter), ISBN 978-3-907820-28-5.
Verwysings[wysig | wysig bron]
- ↑ 1,0 1,1 "Michalski, Carl". Universiteit van München (in Duits). Besoek op 24 Februarie 2020.
- ↑ "Michalski, Carl". grammophon-platten.de (in Duits). Besoek op 24 Februarie 2020.
- ↑ 3,0 3,1 3,2 Siedhoff, Thomas, red. (2020). Gärtnerplatztheater / Repertoire der Spielzeiten 1918/19–1930/31 / Eine chronologische Dokumentation (PDF).
{{cite book}}:|work=ignored (hulp) - ↑ Griffel, Margaret Ross (2018). "Keusche Susanne, Die". Operas in German: A Dictionary. Rowman & Littlefield. p. 260. ISBN 978-1-44-224797-0.
- ↑ "Carl Michalski / 1911-1998". muziekweb.nl (in Nederlands). Besoek op 24 Februarie 2020.
- ↑ "Michalski, Carl". Deutsche Grammophon (in Duits). Besoek op 9 Maart 2020.
