DVD

in Wikipedia, die vrye ensiklopedie
Spring na: navigasie, soek
DVD-logo
DVD-weergawe- (links) en -opnamemedia (regs) kan maklik onderskei word
Gebiede van die Wêreld volgens DVD-kodes

DVD is 'n formaat vir optiese stoorskywe, wat soos die kompakskyf (CD) uit polikarbonaat bestaan, 'n deursnee van 12 sentimeter en 'n dikte van 1,2 millimeter het. In teenstelling met die CD word dit egter uit twee plate van 0,6 millimeter elk vervaardig, wat die aftasting met 'n laserstraal minder moeilik maak. Die twee kante van 'n DVD-skyf kan albei twee lae met inligting bevat en bied derhalwe 'n stoorkapasiteit wat 25 keer groter kan wees as dié van die CD. Die oordragsnelheid van die DVD is eweneens vertienvoudig.

Aanvanklik staan die afkorting DVD vir Digital Video Disc (Digitale Videoskyf), maar dit word gewysig tot Digital Versatile Disc (Digitale Veelsydige Skyf) nadat die medium ook as lees- en stoormedium vir rekenaars en as medium vir oudio-toepassings bekend gestel word.

Die DVD-standaarde word ontwikkel en beheer deur die DVD-Forum, 'n werkgroep van die vernaamste vervaardigers van harde- en sagteware.

Die formaat DVD-Video is in 1996 op die Japanse en Noord-Amerikaanse markte ingevoer.

DVD-formate[wysig]

DVDs is tans in nege verskillende formate beskikbaar (die HD-DVD word in 2005 ingevoer, BluRay sal HD-DVD 'verfang' en is in 2008 befestig):

DVD-FORMAAT FUNKSIE
DVD-Video Weergawe van beeld en klank (agt ure in hoë kwaliteit)
DVD-Oudio Weergawe van musiek in hoë resolusie, dikwels met bonusmateriaal soos video's, prentgalerye en diskografieë
DVD-ROM Stoormedium vir gegewens wat in DVD-aandrywers gelees, maar nie oorskryf kan word nie
DVD-RAM Stoor- en opnamemedium vir alle soorte gegewens en TV-programme, funksioneer soos 'n hardeskyf
DVD-R Stoor- en opnamemedium vir alle soorte gegewens en TV-programme wat een keer beskryf kan word
DVD-RW Stoor- en opnamemedium vir alle soorte gegewens en TV-programme wat tot 1 000 keer beskryf kan word
Mini-DVD Formaat wat videogegewens in DVD-kwaliteit op 'n CD-R of CD-RW kan stoor (maksimaal sowat 30 minute speeltyd)
DualDisc Formaat wat uit 'n CD- en DVD-plaat saamgepers word, bied CD-klank en DVD-Video- en/of DVD-Oudio-materiaal
HD-DVD Stoor- en opnamemedium vir groot hoeveelhede gegewens, geskik vir TV-programme en video's in hoë resolusie
Blu-Ray Dics Stoor- en opnamemedium vir groot hoeveelhede gegewens, geskik vir TV-programme en video's in hoë resolusie. 25 GB per laag, maks. twee lae vir nou met 'n totaal van 50 GB

DVD-formate sonder goedkeuring van die DVD-Forum[wysig]

  • +R, +R-DL, +RW: Om lisensiegelde te bespaar en ook om een of ander versoenbaarheidsprobleem op te los, het Philips variante - die sogenaamde +RW-formate - ingevoer. Hulle is min of meer vergelykbaar met die bogenoemde formate, word egter nie deur die DVD-Forum erken nie (daar is dus ook geen "DVD"-kenteken op die verpakking nie). Die +R-DL (Dual Layer) is 'n dubbellaag-formaat wat sowat 8.54 GB in twee lae kan stoor. +R-DL-media en DVD-aandrywers is sedert 2004 beskikbaar.
  • Ondanks sy misleidende naam baseer ook die Super Audio CD op die DVD-ROM-formaat.
Commons-logo.svg
Wikimedia Commons het meer media verwant aan:
DVD (kategorie)