Doggerbank
in Wikipedia, die vrye ensiklopedie
Die Doggerbank is 'n groot, langwerpige sandbank in die suide van die Noordsee en begrens die Duitse Baai teen noordweste. In die weste is die kus van Groot-Brittanje en in die ooste is die kus van Denemarke geleë. Die Doggerbank het 'n lengte tussen 300 en 350 kilometer vanaf die Weste tot die Ooste, 'n breedte van omstreeks 120 kilometer en 'n oppervlakte van 17 600 km². Terwyl die Noordsee 'n gemiddelde diepte van 94 m het, is die Doggerbank in deursnee net 30 m diep en die vlakste plek net 13 m.
Die Doggerbank is veral bekend vir twee seeslae:
- Tydens die Vierde Engels-Nederlandse Oorlog het op 5 Augustus 1781 die Slag op die Doggerbank plaasgevind.
- Tydens die Eerste Wêreldoorlog het op 24 Januarie 1915 die Slag van Doggerbank tussen die vloot van die Duitse Keiserryk en die Britse Vloot plaasgevind.
