Donna Summer

in Wikipedia, die vrye ensiklopedie
Spring na: navigasie, soek
Donna Summer
Nobel Peace Price Concert 2009 Donna Summer3.jpg
Donna Summer tydens die Vredesnobelprys-konsert in 2009
Geboortenaam LaDonna Adrian Gaines
Geboorte 31 Desember 1948
Boston, Massachusetts, Vlag van Verenigde State Verenigde State
Afsterwe 17 Mei 2012
Key West, Florida, VSA
Beroep(e) Sangeres
Liedjieskryfster
Genre(s) Pop
Disco-musiek
Jazz
Dans-popmusiek
Rockmusiek
Tipe stem Mezzo-sopraan
Instrument(e) Stem, klavier
Aktiewe jare 1969-2012
Uitgewer(s) Oasis Records
Casablanca Records (1975–1980)
Geffen Records (1980–1988)
Atlantic Records (1988–1991)
Mercury Records (1994–1996)
WEA International Inc. (Buite die VSA 1980–1991)
Epic Records (1999–2001)
Burgundy Records (2006–2012)
Webwerf donnasummer.com
Assosiasies Giorgio Moroder, Brooklyn Dreams
Portal.svg Musiekportaal

LaDonna Adrian Gaines, beter bekend onder haar verhoognaam Donna Summer, was 'n Amerikaanse sangeres en liedjieskryfster wat in die discomusiek-tydperk van die 1970's internasionale bekendheid verwerf het. Haar musikale werk is vyf keer met Amerikaanse Grammy Awards bekroon.

Vir haar unieke musiekstyl het Donna Summer haar veelsydige mezzo-sopraanstem met elektroniese popmusiek gekombineer wat sy saam met haar vervaardigers Giorgio Moroder en Pete Bellotte ontwikkel het. Met treffers soos Love to Love You Baby, I Feel Love, Hot Stuff, MacArthur Park of On The Radio, wat sy meestal self geskryf het, het Summer in die tweede helfte van die 1970's en in die 1980's internasionale sukses behaal. Dikwels is na haar as die "Koningin van Discomusiek" (Queen of Disco) verwys.

Donna Summer was die eerste musikale kunstenaar wat drie keer agtermekaar met dubbelalbums die nommer een op die trefferlys bereik het. Binne 'n tydperk van slegs dertien maande was ook vier van haar enkelsnitte bo-aan die Amerikaanse trefferlys. Haar plateverkope word op 130 miljoen beraam.[1]

Op 17 Mei 2012 is Donna Summer ná 'n langdurige stryd teen longkanker in die ouderdom van 63 jaar in Key West, Florida, oorlede. Summer het saam met haar man Bruce Sudano, met wie sy twee dogters gehad het, 'n huis in Englewood bewoon.

Verwysings[wysig]