Edwill van Aarde
Edwill van Aarde (20 Desember 1938 – 3 Januarie 2024) was 'n televisie-, radio-omroeper en sportkommentator in Suid-Afrika. Hy was die aanbieder en kommentator met die langste ononderbroke diens by enige uitsaaier in Suid-Afrika, 50 jaar (in 2011).[1]
Persoonlike lewe[wysig | wysig bron]
Van Aarde is op 20 Desember 1938 in Kimberley, Suid-Afrika gebore.[2] Hy het in Boetsap grootgeword.[3] Hy het die Laerskool Vaalharts en die Hoërskool Diamantveld bygewoon,[2] waar hy in 1957 gematrikuleer het. Hy was getroud met Piena Margeretha Forbes Ochse.
Sportkommentaar[wysig | wysig bron]
Hy het 517 krieketwedstryde, 134 Rugby-wedstryde, 12 Comrades-maratons en 5 Wimbledon-mans-tennis-eindstryde uitgesaai.[2][4]
Radio[wysig | wysig bron]
Hy het die radioprogram Afrikaanse treffers aangebied. Hierdie program was 40 jaar oud in 2015.[5][6]
Televisie[wysig | wysig bron]
Van Aarde was die aanbieder van Flinkdink, 'n algemene kennisvasvraprogram. Hy was later ook die organiseerder en navorser van die program.[7]
Aanval[wysig | wysig bron]
Hy is op 29 Maart 2010 in sy huis in Krugersdorp aangeval. Hy het die aanval oorleef.[8]
Verwysings[wysig | wysig bron]
- ↑ de Bruin,P. (7 Januarie 2011). "Edwill van Aarde vier 50 jaar n.u.n". Die Burger Newspaper. Besoek op 27 Junie 2018.
- ↑ 2,0 2,1 2,2 "Lewe - 'n skatkis vol herinneringe". newspapers.com. Westrandwindow Newspaper. 4 Junie 2018. Geargiveer vanaf die oorspronklike op 17 Junie 2018. Besoek op 27 Junie 2017.
- ↑ Jadoo, Y. (22 September 2013). "The safest place in SA". The Citizen Newspaper. Besoek op 27 Junie 2018.
- ↑ van Wyk,S. (12 Januarie 2017). "Veels geluk taalgenoot". Braillorette. Besoek op 27 Junie 2018.
- ↑ Dinamiet,D. (2 April 2015). "Afrikaanse treffers word 40 jaar oud". Maroela Media. Besoek op 27 Junie 2018.
- ↑ "Ateljeemusikante". Besoek op 27 Junie 2018.
- ↑ de Bruin,P. (7 November 2003). "Rian's coming back". News24. Besoek op 27 Junie 2018.
- ↑ Fourie,M. (30 Maart 2010). "Quizmaster attacked at home". Beeld Newspaper. Besoek op 27 Junie 2018.