Krugersdorp

Krugersdorp
Krugersdorp se Stadsaal
Krugersdorp
Krugersdorp
Koördinate: 26°6′0″S 27°46′0″O
Land	Suid-Afrika
Provinsie	Gauteng
Distriksmunisipaliteit	Wesrand
Plaaslike Munisipaliteit	Mogale City
Stigting	1887
Vernoem na	Paul Kruger
Bevolking (2010)
- Stad	422 884
Tydsone	SAST (UTC+2)

Krugersdorp, oorspronklik Paardekraal genoem en voorheen 'n munisipalegebied in eie reg, is 'n dorp in die munsipalegebied wat bekend staan as Mogale City op die Wesrand van Gauteng, Suid-Afrika.

Geskiedenis

Krugersdorp het sy bestaan te danke aan goud soos baie dorpe in Gauteng. Op 27 April 1887 het die regering van die Transvaalse Republiek besluit om 428ha van die plaas Paardekraal teen £3000 aan te koop vir 'n dorp. Die dorp moes dien as 'n administratiewe sentrum vir al die mynbou bedrywighede wes van Johannesburg. Die eienaar van die plaas, Marthinus Pretorius, het aangedring dat die nuwe dorp ter ere van Paul Kruger genoem word. Die eerste standplase is op 31 Oktober 1887 verkoop. Twee jaar later het die regering £800 aan die munisipaliteit geskenk om bome langs die strate te plant. Die spoorlyn vanaf Johannesburg het Krugersdorp teen 1891 bereik.

Die Suid-Afrikaanse ingenieur van Krugersdorp, George Pratley het Pratley Putty in die sestiger jare ontwerp.

Algemeen

Krugersdorp is veral bekend vir sy geskiedkundige rol in die Jameson-inval, die Eerste Vryheidsoorlog, die Paardekraal Monument die nabygeleë myne en die Sterkfonteingrotte wat tot wêrelderfenisgebied verklaar is. Hierdie grotte noordwes van Krugersdorp het internasionale bekendheid verwerf toe die Skotse medikus en paleontoloog dr. Robert Broom hier in 1947 "Mevrou Ples" en ander mensagtige fossiele ontdek het. Die N14 nasionale pad gaan noordwes van Krugersdorp verby.

Distrik

Die distrik is 1 500km² groot. Die myne in die distrik lewer hoëgraadse mangaan, verskeie kleurstowwe, kalk en dolomiet. Die belangrikste landbou produkte is mielies, tabak, beeste, suiwel, sagte vrugte en snyblomme. Dr. D.F. Malan het op 8 Oktober 1952 die eerste aanleg geopen wat uraan as 'n neweproduk van goud produseer.

Besienswaardighede

Die Paul Kruger-standbeeld in Beginstraat

Konsentrasiekamp te Krugersdorp tydens die Tweede Vryheidsoorlog

• Krugersdorp Museum
• Krugersdorp Wildreservaat
• Maropeng
• Ou Kromdraai Goudmyn
• Paardekraal Monument
• Robert Broom Museum
• Sterkfonteingrotte
• Tarlton International Raceway
• Wieg van die Mensdom
• Wondergrot

Bekende inwoners van Krugersdorp

• Christa Steyn, Afrikaanse sangeres is hier gebore.
• Clive Derby-Lewis, sluipmoordenaar wat Chris Hani vermoor het.
• Danie Theron, 'n baasverkenner in die Tweede Vryheidsoorlog.
• Daniël Krige, ingenieur en professor.
• Frederik Willem de Klerk, voormalige Staatspresident.
• Jan Kemp, soldaat en kabinetsminister.
• Marthinus Pretorius, eerste President van die ZAR.
• Phil Mostert, Suid-Afrika se sestiende Springbokrugbykaptein is hier gebore.

Skole in Krugersdorp

• Hoërskool Bastion
• Hoërskool Jan de Klerk
• Hoërskool Monument
• Hoërskool Noordheuwel
• HTS Nic Diederichs
• Krugersdorp High
• Laerskool Ebenhaeser
• Laerskool Kenmare
• Laerskool Krugersdorp-Noord
• Monument Primary
• Townview High

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika. Eric Rosenthal. 1967.

Eksterne skakels

• Mogale City se webwerf
• Google kaart van Krugersdorp

• Wikimedia Commons het meer media verwant aan: Krugersdorp

50 grootste nedersettings in Suid-Afrika volgens bevolking

Johannesburg · Durban · Kaapstad · Oos-Rand · Pretoria · Port Elizabeth · Oos-Londen · Vereeniging · Bloemfontein · Thohoyandou · Pietermaritzburg · Pietersburg · Bosbokrand · Louis Trichardt · Nelspruit · Mthatha · Welkom · Rustenburg · Mount Ayliff · Groter Tzaneen · Phuthaditjhaba · Klerksdorp · Brits · Nkomazi · Newcastle · Potgietersrus · Krugersdorp · Richardsbaai · Butterworth · Libode · Witbank · Burgersfort · Ngwaritsi · Mafikeng · KwaMhlanga · Flagstaff · Idutywa · Bizana · Mdutjana · Groter Giyani · Mogwase · Lebowakgomo · Ladysmith · Highveld Ridge · Eshowe · Groblersdal · Duiwelskloof · Port Shepstone · Ulundi · Carletonville