Eenbeentjie

in Wikipedia, die vrye ensiklopedie
Spring na: navigasie, soek
Kleuters speel eenbeentjie.

Eenbeentjie (Engels: Hopscotch) is 'n speletjie wat deur kinders gespeel word. Die spel is veral gewild op speelgronde en kan alleen of deur 'n groep kinders gespeel word. Tydens die spel word 'n objek op 'n genommerde patroon gegooi en deur die patroon gehop om dit weer op te tel.

Baan[wysig]

'n Tipiese baan.

Ter voorbereiding word 'n patroon op die grond uitgelê. Bordkryt kan gebruik word om dit op 'n sement- of teerblad te teken. Andersins kan dit sommer met 'n stok in die grond uitgekrap word. Die baan bestaan uit 'n aantal blokke waarin daar met een been op 'n slag in gehop word. Sommige blokke word in twee gedeel - een vir elke been. Die blokke word gewoonlik genommer. Op die verste end word daar gewoonlik 'n halfsirkel (ouma-se-maag) aangebring waarin die speler mag omdraai.

Reëls[wysig]

Vermy die blok met die objek in.

Die spelreëls is as volg:

  • Die speler mag net met een voet in elke blok land.
  • Daar moet met beide voete in 'n dubbelblok geland word.
  • As daar op 'n lyn getrap word, is jy uit en moet jy agter in die tou gaan wag.
  • As jy jou balans verloor, is jy uit en moet jy agter in die tou gaan wag.
  • As die objek buite 'n blok of op 'n lyn gooi, is jy uit en moet jy agter in die tou gaan wag.
  • Daar moet oor die blok met die objek in gespring word.

Spel[wysig]

Standbeeld van kinders wat enkelbeentjie speel.

Om die spel te begin word 'n objek, gewoonlik 'n klip of 'n boontjiesak, op die patroon gegooi. As jy, byvoorbeeld, die objek in die tweede blok gooi, hop met een been op die eerste blok, spring oor die tweede na die derde tot op die einde. Op die laaste blok word daar omgedraai om die proses te herhaal. Op pad terug moet jy voor die blok met die objek afbuk op dit op te tel (natuurlik op een been in 'n enkelblok, of beide in 'n dubbelblok).

Sien ook[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Eenbeentjie (kategorie)