YouTube

vanuit Wikipedia, die vrye ensiklopedie.

YouTube
Taal	Veeltalig, onder andere Engels, Frans, Duits, Pools, Russies, Spaans, Italiaans, Portugees, Koreaans, Sjinees en Nederlands.
Status	Aktief
URL	www.YouTube.com

YouTube is 'n webwerf wat gebruikers in staat stel om video's op te laai. YouTube is tans die grootste video webwerf op die Internet. YouTube het weergawes van sy webwerf in verskeie tale, maar Afrikaans is nog nie beskikbaar nie.

YouTube is in Februarie 2005 opgerig deur drie voormalige PayPal medewerkers. 'n Groot verskil met ander video webwerwe in die tyd was dat alle video's outomaties omgeskakel word na 1 formaat wat vir baie mense toeganklik is, Flash video (.flv). Dit gekombineerd dat die hele webwerf gratis vir gebruik is, het daarvoor gesorg dat YouTube nou die grootste videowebwerf op die internet geword het, en één van die grootste webwerwe op die internet in sy geheel.

Daar word nie baie statistieke uitgegee nie, maar in Julie 2006 het YouTube 'n berig uitgegee dat elke dag meer as 100 miljoen video's gekyk word, en in die hele maand was uiteindelik 2,5 miljard video's afgelaai. Net in Januarie 2008 is daar al 3 miljard video's afgelaai deur slegs 79 miljoen mense.

[wysig] Gevolg van die sukses van YouTube

Voor die loods van hierdie webwerf, was daar baie min geleenthede gewees om video's op die Internet te laai. Ná YouTube begin is, het daar 'n hele aantal ander webwerwe opgespring wat ook gebruikers in staat gestel het om video's op die Internet te laai.

[wysig] Hoe dit werk

Op YouTube mag gebruikers video's oplaai met 'n maksimum grootte van 1 024 MB, maar elke video mag slegs 10 minute lank wees. Formate soos .avi (XviD met MP3), .mp4 (H.264 met AAC+,) .mov, .mpeg word aanvaar. Die video's word omgeskakel na .flv, met daarin die H.263 videoenkodering en 64kbit/s MP3 monogeluid. Die datastroom het 'n totale bitrate van +/- 330 kbit/s, die resolusie is 320x240. Sedert Maart 2008 gee YouTube ook die keuse om die video's in hoër gehalte af te laai. Die resolusie is verhoog van 320x240 na 480x360.

Daar is twee moontlikhede: tik jy &fmt=6 agter die adres van die video in jou webblaaier, dan kry jy 'n H.263 stroom van +/- 600kbit/s met 96kbit/s MP3 mono. Met &fmt=18 kan jy luister na 'n stereostroom, die formaat is dan nie .flv nie, maar .mp4. Die .mp4 bestaan uit 'n H.264-beeldstroom van 300-400kbit/s en +/- 128kbit/s AAC-geluid.

[wysig] Lokalisasie

Op 19 Junie 2007 was Eric E. Schmidt in Parys om die nuwe lokaliseringstelsel van stapel te stuur. In die volgende lande is die stelsel al in werking gestel:

Land	Skakel	Taal	Oprigtingsdatum
Australië	http://au.youtube.com/	Engels (Australië)	22 Oktober 2007
Brasilië	http://br.youtube.com/	Portugees (Brasilië)	19 Junie 2007
Kanada	http://ca.youtube.com/	Engels (Kanada)	6 November 2007
Frankryk	http://fr.youtube.com/	Frans	19 Junie 2007
Duitsland	http://de.youtube.com/	Duits	8 November 2007
Hong Kong	http://hk.youtube.com/	Tradisionele Sjinees	17 Oktober 2007
Indië	http://in.youtube.com/	Engels (Indië)	7 Mei 2008
Ierland	http://ie.youtube.com/	Engels (Ierland)	19 Junie 2007
Italië	http://it.youtube.com/	Italiaans	19 Junie 2007
Japan	http://jp.youtube.com/	Japannees	19 Junie 2007
Korea	http://kr.youtube.com/	Koreaans	23 Januarie 2008
Meksiko	http://mx.youtube.com/	Spaans (Meksiko)	10 Oktober 2007
Nederland	http://nl.youtube.com/	Nederlands	19 Junie 2007
Nieu-Seeland	http://nz.youtube.com/	Engels (Nieu Sealand)	22 Oktober 2007
Pole	http://pl.youtube.com/	Pools	19 Junie 2007
Rusland	http://ru.youtube.com/	Russies	13 November 2007
Spanje	http://es.youtube.com/	Spaans	19 Junie 2007
Sjina / Republiek van Sjina	http://tw.youtube.com/	Tradisionele Sjinees	18 October 2007
Verenigde Koninkryk	http://uk.youtube.com/	Engels (Verenigde Koninkryk)	19 Junie 2007