Ferdinand Magellaan

in Wikipedia, die vrye ensiklopedie
Spring na: navigasie, soek
Ferdinand Magellaan
’n Beeld van die betrokke persoonlikheid.
Geboortenaam Fernão de Magalhães
Gebore 1480
Sabrosa, Trás-os-Montes e Alto Douro, Portugal
Oorlede 27 April 1521
Mactan, Filippyne
Nasionaliteit Portugal
Beroep Navigator, ontdekkingsreisiger
Bekend vir Die eerste vaart om die aarde, van Europa tot die ooste en die weste; vir die eerste ekspedisie van Europa na Asië deur die Weste; en vir die kaptein van die eerste ekspedisie oor die Atlantiese Oseaan na die Straat van Magellaan en oor die Stille Oseaan.
Magellan Signature.svg

Ferdinand Magellaan (Portugees: Fernão de Magalhães; Spaans: Fernando of Hernando de Magallanes; Lente 1480–27 April 1521) was 'n Portugese ontdekkingsreisiger wat, in diens van Spanje, probeer het om 'n Weswaartse roete na die Spesery-eilande van Indonesië te vind. Die soektog was die eerste suksesvolle probeerslag om rondom die wêreld te seil. Magellaan het nie sy finale, Weswaartste reistog voltooi nie; hy was doodgemaak tydens die Slag van Maktan in die Filippyne. Hy het egter verder wes as die Spesery-eilande gesterf en het dié eilande wel op vroeë togte besoek. Hy was een van die eerste persone wat al die meridiane van die aardbol oorgesteek het. Hy was ook die eerste persoon wat 'n ontdekkingstog gelei het deur Asië vanaf Europa te bereik deur weswaarts te seil en ook die eerste persoon om die Stille Oseaan oor te steek.

Van die 270 bemanningslede wat die ekspedisie saam met Magellaan begin het, kon slegs 18[1][2] daarin slaag om terug te keer na Spanje en dus die reis om die aardbol te voltooi. Hulle was deur die Spanjaard Juan Sebastián Elcano gelei, wat die leisels oorgeneem het na Magellaan se dood.

Die Magellan-Elcano reis. Victoria, een van die oorspronklike vyf skepe, omseil die aardbol, en eindig 16 maande na Magellaan se dood.

Verwysings[wysig]

  1. Swenson, Tait M.. “First Circumnavigation of the Globe by Magellan 1519-1522”. The Web Chronology project. URL besoek op 2006-03-14.
  2. The age of exploration”. The Mariners' Museum. URL besoek op 2009-11-26 (Internet Archive).