Portugees
| Portugees português |
||
|---|---|---|
| Gepraat in: |  Angola Brasilië Ekwatoriaal-Guinee Guinee-Bissau Kaap Verde Macau Mosambiek Timor-Leste Portugal São Tomé en Principe |
|
| Gebied: | Afrika, Suid-Europa, Suid-Amerika | |
| Totale sprekers: | 210 miljoen[1] | |
| Rang: | 6 | |
| Taalfamilie: | Indo-Europees Romaans Wes-Romaans Gallo-Iberies Iberoromaans Wes-Iberies Galicies-Portugees Portugees |
|
| Skrifstelsel: | Latynse alfabet | |
| Amptelike status | ||
| Amptelike taal in: |  Afrika Unie Europese Unie Angola Brasilië Ekwatoriaal-Guinee Guinee-Bissau Kaap Verde Macau Mosambiek Timor-Leste Portugal São Tomé en Principe |
|
| Gereguleer deur: | Instituut van Portugees | |
| Taalkodes | ||
| ISO 639-1: | pt | |
| ISO 639-2: | por | |
| ISO 639-3: | por | |
 |
||
| Nota: Hierdie bladsy kan IFA fonetiese simbole in Unicode bevat. | ||
Portugees (português) is 'n Romaanse taal wat in Portugal, Brasilië, Angola, Guinee-Bissau, Ekwatoriaal-Guinee, São Tomé en Principe, Oos-Timor, Mosambiek, op die Kaap Verde en in ander soos Goa en Malakka (Cristao) gebiede gepraat word. Dit is ook die taal van 'n minderheid in Macao, waar dit amptelike taal is. In Galisië, 'n gebied in Spanje ten noorde van Portugal, word Galego (Galicies) gepraat; amptelik 'n ander taal, maar baie naby aan Portugees. Suid-Afrika het ook 'n beduidende Portugese bevolking. Volgens 'n Unesco-verslag uit 2000 word Portugees deur 176 miljoen mense gepraat. Dit is 'n amptelike taal van die Europese Unie, die Afrika Unie, Mercosul, en ander organisasies.
Die Portugees in Brasilië wyk effens af van die Portugees in die ander gebiede, nie alleen wat uitspraak en idioom betref nie, maar ook in spelling, as gevolg van 'n spellingshervorming (die Acordo Ortográfico uit 1990, gewysig in 1998). Dié was wél ooreengekom met Portugal en die ander Portugeestalige lande, en in 2009 geratifiseer met die gevolg dat die spelling van Portugees nou universeel is in al die Portugeessprekende lande. Brasiliaanse Portugees se uitspraak bly egter nog verskillend van dié van ander Portugeessprekende lande, alhoewel dit, weens die spellingshervorming, op skrif identies is.
Gebiede waar Portugees gepraat word [wysig]
As nasionale taal:
As amptelike taal:
- Angola
- Kaap Verde
- Oos-Timor
- Guinee-Bissau
- Ekwatoriaal-Guinee
- Macau (Volksrepubliek van Sjina)
- Mosambiek
- São Tomé en Principe
Met minderheidstatus
- Suid-Afrika – word saam met 'n aantal ander tale deur die Grondwet beskerming verleen
Sonder enige vorm van erkenning:
Verwysings [wysig]
Eksterne skakels [wysig]
- Dicionários-Online.com A directory of reference works in Portuguese.
- Portugesetaal.pagina.nl - Portugees by die Nederlandse webwerf Startpagina
 |
Vir woordeboekinligting, sien die bladsy Portugees op WikiWoordeboek |
