Frigyes Riesz

in Wikipedia, die vrye ensiklopedie
Spring na: navigasie, soek
Frigyes Riesz.

Frigyes Riesz (22 Januarie 1880 – 28 Februarie 1956) was 'n Hongaarse wiskundige wat in Győr, Oostenryk-Hongarye gebore is en in Budapest, Hongarye gesterf het. Hy was rektor en professor aan die Universiteit Szeged. Hy was die ouer broer van die wiskundige Marcel Riesz.

Riesz het van die fundamentele werk in die ontwikkeling van funksionaalanalise gedoen en sy bydraes het tot 'n aantal belangrike toepassings in fisika gelei. Sy werk het voortgebou op idees wat die eerste deur Fréchet, Lebesgue, Hilbert en andere na vore gebring is. Hy het ook baie ander bydraes aan areas soos ergodiese teorie gebring en hy het ook 'n elementêre bewys van die ergodiese middelwaardestelling gelewer.

Riesz het saam met Alfréd Haar die Acta Scientiarum Mathematicarum-tydskrif gevestig. Hy het 'n ongewone lesingstyl gehad: hy sou die lesingsaal saam met 'n assistent en dosent betree. Die dosent sou die relevante paragrawe vanuit Riesz se handboek lees terwyl die assistent die meegaande vergelykings op die swartbord skryf. Riesz sou eenkant staan en nou-en-dan knik.

Bibliografie[wysig]

  • Frigyes Riesz, Béla Szőkefalvi-Nagy (1990). Functional Analysis. Dover. ISBN 0-486-66289-6.

Sien ook[wysig]