Gelsenkirchen

in Wikipedia, die vrye ensiklopedie
Spring na: navigasie, soek

Gelsenkirchen
Ge Augustinushaus 01.JPG

Kaart Wapen
Locator map GE in Germany.svg
DEU Gelsenkirchen COA.svg
Vlag
Flagge der kreisfreien Stadt Gelsenkirchen.svg
 Land Flag of Germany.svg Duitsland
 Deelstaat Flag of North Rhine-Westphalia.svg Noordryn-Wesfale
 Koördinate 51°30′N 7°6′O
 Stigting (eerste verwysing) 1150
 Stadstatus 1875
 Oppervlakte:  
 - Totaal 104,86 vk km
 Hoogte bo seevlak 25-95 m
 Bevolking:  
 - Totaal (31 Desember 2011) 256 652[1]
 - Bevolkingsdigtheid 2 477/vk km
 Tydsone UTC +1 (MET)
 Burgemeester Frank Baranowski (SPD)
 Amptelike webwerf gelsenkirchen.de

Gelsenkirchen is 'n selfregerende stad en historiese sentrum van steenkoolmynbou en swaar nywerhede in die Ruhrgebied, 'n digbevolkte nywerheidsgebied in die Duitse deelstaat Noordryn-Wesfale. Die stad het in Duitsland veral vanweë die plaaslike sokkerklub FC Schalke 04 bekendheid verwerf.

Die huidige stadsgebied het as gevolg van 'n aantal inlywings van aangrensende stede soos Buer ontstaan. In 1903 het die bevolking vir die eerste keer die 100 000-kerf verbygesteek en in 1959 tot meer as 390 000 gestyg. Vandag is Gelsenkirchen met ruim 256 000 inwoners die elfde grootste stedelike nedersetting in Noordryn-Wesfale.

Dekades lank is die lewe in Gelsenkirchen deur steenkoolnywerhede oorheers. Vanweë die oortollige gas wat in brandstoffabrieke verbrand is, is na Gelsenkirchen dikwels as die Stadt der 1 000 Feuer ("Stad van 1 000 vure") verwys. Die nywerheidsomwenteling en vinnige groei van swaar nywerhede sedert die middel van die 19de eeu het gepaard gegaan met 'n ongekende bevolkingsgroei. Voor die Tweede Wêreldoorlog het baie van die werkers uit Pole gekom, later het immigrante uit Suid-Europa en Turkye hulle hier gevestig.

Die historiese werkersbuurte, myne en nywerhede het as industriële monumente bewaar gebly, terwyl Gelsenkirchen se ekonomie sedert die 1980's op ander sektore begin toespits. So onderneem die stad onder meer pogings om 'n sentrum van die sonenergiebedryf te word.

Verwysings[wysig]