Godin

in Wikipedia, die vrye ensiklopedie
Spring na: navigasie, soek

'n Godin is 'n vroulike godheid. Dit het 'n plek in die meeste politeïstiese religieë. Baie kulture ken godinne, soms alleenstaande, maar meer gereeld in verband met 'n ruimer panteon waarin ook manlike gode voorkom en soms selfs hermafrodietisie wesens of gode. Soos monoteïsme en politeïsme in bepaalde gevalle relatiewe konsepte kan wees, so ook kan die konsepte god en godin, wat op mekaar betrekking het, nie altyd absoluut geïnterpreteer word nie. Volgens sommige kulturele antropologiese teorieë het die geslag wat aan 'n opperwese toegeskryf word dikwels konnotasies met dieper gewortelde tendense in die samelewing. Hierdie konnotasies wys dan respektiewelik in die rigting van patriargaat of matriargaat.