Groenpunt-vuurtoring

in Wikipedia, die vrye ensiklopedie
Spring na: navigasie, soek
Die Groenpunt-vuurtoring

Die Groenpunt-vuurtoring is 'n rooi-en-wit geverfde vuurtoring op die noordwestelike punt van Tafelbaai in Groenpunt, Kaapstad. Dit is die oudste vuurtoring in Suid-Afrika en is deur die Duitsgebore argitek Herman Schutte ontwerp en in 1823, teen 'n koste van £5 420 pond, voltooi en op 12 April 1824 in gebruik geneem[1]. In 1926 is dit met 'n mishoring toegerus en twee jaar later is dit geëlektrifiseer. Die rotsige Groenpunt staan reeds eeue lank onder seevaarders bekend as een van die gevaarlikste punte aan die Kaap. Die laaste in 'n lang lys skepe wat hier gestrand het, is die Seafarer, wat in 1967 op die rotse geloop het. Wanneer die vuurtoring met mis omhul word, soos dikwels in die winter gebeur, waarsku die mishoring se klank skepe kilometers ver.

Die Groenpunt-vuurtoring is gebruik om die eerste vuurtoringwagters in Suid-Afrika op te lei en dit word vandag nog as 'n konferensiebestemming gebruik. Dit word ook uitverhuur vir huweliksonthale. [2]

Kulturele erfenis[wysig]

Die Groenpunt-vuurtoring is op 12 Januarie 1973 deur Johannes Petrus van der Spuy, Minister van Nasionale Onderwys, as 'n nasionale monument verklaar en word beskerm as 'n provinsiale erfenisterrein ingevolge die Wet op Nasionale Erfenishulpbronne (25/1999). [3]

Verwysings[wysig]

  1. Voetspore op die Strand, Dag Vyf en veertig, besoek op 21 Desember 2006
  2. Kap.event, http://www.capetown-wedding.com/lighthouse.html Location: Lighthouse, besoek op 21 Desember 2006
  3. Suid-Afrikaanse Erfenishulpbronagentskap - Item: 13045, Besoek op 21 Mei 2012

Koördinate: 33°54′04″S 18°24′02″O


Vlag van Suid-Afrika

Vuurtorings van Suid-Afrika

Atlantiese Kus en Valsbaai:

Dasseneiland • Doringbaai • Groenpunt • Groenriviermond • Hondeklipbaai • Kaap Columbine • Kaappunt (Diaspunt) • Kaappunt (Kaap Maclear) • Kaapstadhawe-breekwater • Kaap St. Martin • Milnerton • Mouillepunt • North Head, Saldanhabaai • Port Nolloth • Robbeneiland • Roman Rock • Simonstad-skeepswerf • Slangkop • South Head, Saldanhabaai • Stompneuspunt

Kaapse Suidkus:

Cape Seal • Danger Point • Hangklip • Kaap Agulhas • Kaap Infanta • Kaap Sint Blaize • Quoin Point • Ystervarkpunt

Oos-Kaap:

Castle Point • Deal-vuurtoring • Donkin Hill • Groot-Vispunt • Hood Point • Kaap Hermes • Kaap Morgan • Kaap Recife • M’bashe Point • Seal Point • South Sand Bluff • Voëleiland

KwaZulu-Natal:

Anglo-American-gebou • Cooper • Durnford Point • Green Point (Clansthal) • Ifafastrand • Jesser Point • Kaap St. Lucia • Kaap Vidal • North Sand Bluff • Ou Bluff-vuurtoring • Port Shepstone • Richardsbaai-Noord-breekwater • Richardsbaai • Umhlanga Rocks