Groepsgebiedewet

in Wikipedia, die vrye ensiklopedie
Spring na: navigasie, soek

Die Groepsgebiedewet van 1950 (Wet No. 41 van 1950) was 'n parlementêre wet wat onder die apartheidstelsel in Suid-Afrika geskep is en wat verskillende dele van residensiële en sakegebiede in stede en dorpe eksklusief aan verskillende rasse toegeken het. 'n Gevolg van die wet was dat sogenaamde nie-Blankes verhoed is om ekonomies-vatbare gevestigde buurte in dorpe en stede te betrek of ondernemings daar te bedryf. Hierdie gebiede is byna deurgaans as wit gebiede verklaar. Benewens moes mense van ander rasse groot afstande pendel vanuit hul toegekende gebiede buite dorpe en stede, om te kon werk of ander sosiale en ekonomiese aktiwiteite uit te voer. Die wet het ook tot gedwonge verskuiwing van nie-wit Suid-Afrikaners gelei. Bekende voorbeelde hiervan sluit in die verskuiwings in Distrik Ses, Sophia Town, Marabastad en Cato Manor.

Die wet is uiteindelik 41 jaar later op 5 Junie 1991 saam met die Land Act of 1913 afgeskaf.

Eksterne skakels[wysig]