Groot-Bulgaarse Ryk
vanuit Wikipedia, die vrye ensiklopedie.
Die Groot-Bulgaarse Ryk (Bulgaars Велика България}}, afgelei van die Griekse Η παλαια μεγαλη Βουλγαρια; megale Boulgaria) is deur die Proto-Bulgare, 'n Turkse volk[1], in Suid-Rusland en die Noord-Kaukasus gestig. In teenstelling met die latere groot Bulgaarse ryke (1ste, 2de en 3de Bulgaarse Ryk) het dit nie oor die Balkan-skiereiland gestrek nie, maar was noord van die Swartsee en die See van Asov geleë. Die naam van die ryk gaan terug na Bisantynse geleerdes. Sy hoofstad was die hawestad Phanagoria.
Die Wolga-Bulgare, wat tussen die 7de en 13de eeu eweneens gebiede in Rusland bewoon het, was 'n deel van die Proto-Bulgaarse volk wat ná die vernietiging van die Groot-Bulgaarse Ryk in hul stamgebied langs die Wolga-rivier gebly het.
[wysig] Verwysings
- ^ I. Dujcev: Bulgarien, artikel in: Lexikon des Mittelalters, Stuttgart/Weimar 2000; Harald Haarmann: Protobulgaren, in: Lexikon der untergegangenen Völker, München 2005, bl. 225
