James Watt

in Wikipedia, die vrye ensiklopedie
Spring na: navigasie, soek
James Watt
’n Beeld van die betrokke persoonlikheid.
Portretskildery van James Watt deur Carl Frederik von Breda

Gebore 19 Januarie 1736
Greenock, Renfrewshire, Skotland
Oorlede 25 Augustus 1819 (op 83)
Handsworth, Birmingham, Engeland
Nasionaliteit Koninkryk van Groot-Brittanje
Beroep Uitvinder en meganiese ingenieur
Bekend vir Tegnologiese verbetering van die stoomenjin
Huweliksmaat Margaret (Peggy) Miller († 1772)
Ann McGregor († 1832)
Kind(ers) Vyf met Margaret Miller; twee met Ann McGregor
James Watt Signature.svg

James Watt (* 19 Januarie 1736 in Greenock in die vroeëre Skotse graafskap Renfrewshire; † 25 Augustus 1819 in Handsworth, Birmingham, Engeland) was 'n Skotse uitvinder en meganiese ingenieur wat as een van die mees invloedryke persoonlikhede in die menslike geskiedenis beskryf is.[1]

Die tegniese verbeterings, wat hy aan Thomas Newcomen se stoomenjin van 1712 aangebring het, was baanbrekend en het die grondslag vir die nywerheidsomwenteling in Groot-Brittanje en die res van die wêreld gevorm.

Terwyl hy as gereedskapmaker aan die Universiteit van Glasgow werksaam was, het Watt begin om belang in die stoomenjin-tegnologie te stel. Hy het besef dat die destydse stoomenjin-ontwerpe 'n groot hoeveelheid energie deur die herhaalde verkoeling en herverwarming van die silinder verkwis het. Watt het 'n verbeterde variant van die tegniese ontwerp ingevoer, die aparte kondenseerder, wat hierdie onnodige energieverkwisting vermy en die krag, doeltreffendheid en koste-effektiwiteit van stoomenjins radikaal verbeter het. Uiteindelik het hy sy enjin aangepas om dit na roterende beweging om te skakel en sodoende nuwe gebruiksmoontlikhede naas sy oorspronklike funksie as kragbron vir waterpompe te skep.

Watt het pogings onderneem om sy uitvinding kommersieel te ontgin, maar groot finansiële moeilikhede ondervind voordat hy in 1775 'n sakevennootskap met die Birminghamse nyweraar Matthew Boulton (1728-1809) aangegaan het. Hul onderneming was 'n groot sukses en het van Watt 'n welvarende entrepreneur gemaak.

Watt het die konsep van perdekrag ontwikkel, en die SI se krageenheid, die watt, is na hom vernoem.

Watt het ook ná sy aftrede voortgegaan om nuwe uitvindings te ontwikkel, alhoewel geen van hierdie tegniese ontwikkelings so beduidend so wees soos sy stoomenjin. In 1819 is Watt in die ouderdom van 83 in die Engelse nywerheidstad Birmingham oorlede.

Verwysings[wysig]

  1. Michael H. Hart: The 100: A Ranking of the Most Influential Persons in History. New York: Citadel 2000

Eksterne skakels[wysig]

Commons-logo.svg
Wikimedia Commons het meer media verwant aan:
James Watt (kategorie)