Jeanne des Roches

Jeanne des Roches
Gebore	omstreeks 1195 Frankryk
Sterf	28 September 1238 Frankryk
Titel	suo jure Dame de Sablé, de La Suze, de Briollay, de Mayet, de Loupeland, de Chateauneuf-sur-Sarte, de Genneteil, de Precigné, de Agon Dame de Craon
Eggenoot	Amaury I, Sire de Craon
Kinders	Maurice IV de Craon, Sire de Craon Jeanne de Craon Isabelle de Craon

Jeanne des Roches, Dame de Sablé (omstreeks 1195 - 28 September 1238) was 'n Franse edelvrou en heerser van die baronies van La Suze, de Briollay, de Mayet, de Loupeland, de Chateauneuf-sur- Sarte, de Genneteil, de Precigné, de Agon en de Craon; en vanaf 1222 die suo jure "sénéchal" van Anjou. Die amp van "sénéchal" is oorgedra aan haar man, Amaury I, Sire de Craon, sowel as die uitgestrekte en omvangryke Sablè-baronie.

Vroeë lewe

Jeanne is in ongeveer 1195 gebore as die oudste dogter van Guillaume des Roches, sénéchal van Anjou, en een van die grootste baronne in Anjou en Maine. Haar moeder was Marguerite de Sablé, Dame de Sablé, wat die welgestelde Sablé-baronie tot haar man se besittings bygedra het. Jeanne het 'n broer Robert, wat in 1204 oorlede is, en 'n jonger suster Clémence, burggraaf de Chateaudun (oorlede na September 1259), gehad. Haar grootouers aan vaderskant was Baudoin des Roches en Alix de Châtellerault, en haar grootouers aan moederskant was Robert IV de Sablé en Clémence de Mayenne, dogter van Geoffroy, Sire de Mayenne en Isabelle de Meulan.

Jeanne se vader was 'n ridder wat in die Derde Kruistog geveg het in diens van die Angevin konings van Engeland en koning Filippus II van Frankryk.

Erfenis

Ná die dood van haar vader op 15 Julie 1222 het Jeanne, as die oudste oorlewende kind, die amp van "sénéchal" van Anjou oorgeneem, en ook sy uitgestrekte besittings geërf, waaronder die lordskappe Sablé, La Suze, Briollay, Mayet, Loupeland, Chateauneuf-sur-Sarte, Genneteil, Precigné, en die Normandiese herehuis van Agon. Jeanne het hulde gebring aan Koning Louis IX van Frankryk vir Senescaltia Andegavie, Cenomannie et Turonie .. bone memorie Guillmus de Ruppiebus, genitor noster ... tenuit in 'n oktrooi gedateer 27 Januarie 1226.

Teen Maart 1219 is Jeanne met Amaury I, Sire de Craon getroud. Hy was die seun van Maurice II, Sire de Craon en Isabelle de Meulan. Jeanne se skoonmoeder, Isabelle de Meulan, was ook haar oumagrootjie aan moederskant, aangesien Isabelle twee keer getroud was; Geoffroy de Mayenne was haar eerste man, en Maurice de Craon haar tweede. Die amp van "sénéchal" en die baronie is na haar huwelik na haar man oorgedra.

Jeanne is op 28 September 1238 oorlede. Haar man is reeds in 1226 oorlede.

Afstammelinge

Amaury en Jeanne het drie kinders gehad:

• Maurice IV de Craon, Sire de Craon (1213–1250), getroud met Isabella van Lusignan, die half-suster van Koning Henry III van Engeland, by wie hy drie kinders gehad het.
• Jeanne de Craon, in 1223 verloof aan Arthur van Bretagne (1220–1223)
• Isabelle de Craon (gebore in 1212), getroud met Raoul III, Sire de Fougères, by wie sy twee kinders gehad het, Jean de Fougères, en Jeanne de Fougères, Dame de Fougères.

Bibliografie

• Pollock, M.A. (2015). Scotland, England and France After the Loss of Normandy, 1204-1296: "Auld. The Boydell Press. {{cite book}}: Ongeldige |ref=harv (hulp)

Hierdie artikel is in sy geheel of gedeeltelik vanuit die Engelse Wikipedia vertaal.