Jotsji

Standbeeld van Jotsji in Mongolië

Jotsji (Mongolies: Зүчи; Zütsji) (c. 1180 – 1227) was die oudste seun van die Mongoolse leier Djengis Khan by sy hoofvrou, Börte. Hy was ’n bekwame militêre leier en het saam met sy broers en ooms deelgeneem aan sy pa se verowering van Sentraal-Asië.

Daar is ’n vraagteken oor wie Jotsji se ware pa was. Kort nadat Djengis Khan (toe bekend as Temüjin) met Börte getrou het, is sy deur lede van die Merkit-stam ontvoer. Ná ’n paar maande in aanhouding is sy deur Temüjin bevry en kort daarna het sy die lewe aan Jotsji geskenk. Volgens alle aanduidings het Djengis Jotsji as sy oudste seun behandel, maar daar het later ’n verwydering tussen hulle ingetree.

Verwysings

Hierdie artikel is merendeels vertaal vanaf die Engelse Wikipedia-artikel [1]