Kasstelsel

in Wikipedia, die vrye ensiklopedie
Spring na: navigasie, soek

In rekenaarwetenskap verwys die kasstelsel na 'n versameling data wat duplikate van oorspronklike waardes is, maar wat op 'n ander plek op die rekenaar gestoor word. Kasstelsels word gebruik waar dit te veel moeite is om die oorspronklike data te haal, of om te reken, relatief tot die moeite wat dit sou wees om die kasgeheue te lees. Kasgeheue is dus 'n tydelike stoorarea waar data wat gereeld gehaal word, gestoor word vir spoediger toegang. Sodra die data in die kasstelsel gestoor is, hoef die rekenaar nie weer die data op die oorspronklike plek te gaan haal nie, maar kan dit eerder 'n kopie van die data in die kasstelsel gaan lees, sodat die gemiddelde tyd wat dit vat om data te prosesseer, verlaag kan word.

'n Newe-effek van gekasde data is dat dit nie altyd op datum is nie. Meeste kasstelsel sal ou data vir tyd opdis, tot dit verval en dan verfris word. 'n Goeie voorbeeld hiervan is Wikipedia-bladsye, waar (meestal anonieme) gebruikers nie altyd die nuutste wysigings sien nie. Sodra die kastydperk verstryk, word die kas egter met die databasis gesinchroniseer sodat die nuutste wysiging aan almal vertoon kan word.