Koemkwat

in Wikipedia, die vrye ensiklopedie
Spring na: navigasie, soek
Koemkwat
Kumkwat
Die Maleise koemkwat - blare en vrugte.
Wetenskaplike klassifikasie
Koninkryk: Plantae
(geen rang): Angiosperm
(geen rang): Eudicots
(geen rang): Rosids
Orde: Sapindales
Familie: Rutaceae
Subfamilie: Aurantioideae
Tribus: Citreae
Genus: Citrus
Spesie: C. japonica
Binomiale naam
Citrus japonica
Thunb.

Koemkwate of kumkwate (soms verkeerdelik gespel: koemkwart of kumkwart) (Citrus japonica) is 'n groep van kleinerige sitrusbome. Hulle dra eetbare vrugte wat baie soos lemoene lyk, maar is kleiner en ovaalvormig. Die vrugte is gewoonlik suur, maar die skil is soet. Gevolglik word dit gewoonlik met skil en al geëet. Dit is ook geskik vir die kook van konfyt en ander kossoorte. Die naam "koemkwart" is afgelei van die Kantonese woord "gam gwat".

Koemkwate is stadig-groeiende immergroen struike of korterige bome. Hulle word van 2.5 tot 4.5 meter hoog en het digte blare. Die blomme is wit soos die van ander sitrus-spesies. Afhangende van die plant se grootte kan dit honderde of selfs duisende vrugte per jaar dra.

Die plant is inheems aan die suidelike en kus-gedeeltes van Asië. Die eerste historiese verwysing na koemkwate verskyn in die 12de eeu in Sjina se letterkunde. Hulle word al 'n geruime tyd in Japan, Taiwan, die Filippyne en Suidoos-Asië verbou. Dit word in 1846 deur Robert Fortune na Europa geneem, en kort daarna na Noord-Amerika.

Fotogalery[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Koemkwat (kategorie)
Wiktionary-logo-en.svg Vir woordeboekinligting, sien die bladsy koemkwat op WikiWoordeboek