Lobola

in Wikipedia, die vrye ensiklopedie
Spring na: navigasie, soek
'n Tradisionele huweliksaanbod in die Vallei van 'n Duisend Heuwels, KwaZulu-Natal, Suid-Afrika

Lobola of Lobolo in Zoeloe, Xhosa en Ndebele is 'n Afrika-tradisie waar 'n man die familie van sy bruid vergoed om toestemming vir 'n troue te verkry. Die woord lobola word losweg na Afrikaans as bruidskat vertaal. Dieselfde konsep in Suid-Sotho staan as Mahadi bekend, Roora in Shona en Magadi in Noord-Sotho.

Die doel van lobola is om die families nader aan mekaar te bring, wedersydse respek te kweek, en as bewys dat die man vir die vrou sal kan sorg. Dit is in teenstelling met westerse troues waar die bruidsfamilie vir die troue betaal. As die vrou mishandel sou word, kan die transaksie egter omgekeer word en kan die man sy vrou en lobola verbeur.

Tradisioneel is beeste vir lobola gebruik, die primêre simbool van rykdom in die Afrika-samelewing. Tog betaal moderne stedelike mans eerder met kontant. Die lobola-onderhandelings is dikwels lank en kompleks, en beide die bruid en die bruidegom se uitgebreide families word hierby betrek.